Улады ліквідавалі грамадскую арганізацыю, якая аказвала дапамогу людзям з абмежаванымі магчымасцямі
Рашэннем Віцебскага абласнога суда 24 кастрычніка падверглася прымусовай ліквідацыі Міжнароднае грамадскае аб'яднанне рэабілітацыі падлеткаў, інвалідаў і пажылых людзей "Алмаз". Ініцыятарам такога рашэньня стала кіраўніцтва беларускага Міністэрства юстыцыі.
Пуцін узнагародзіў «Ордэнам Дружбы» аршанца Аляксея Талая, які праводзіў «матывацыйныя сустрэчы і трэнінгі» у расейскіх вайсковых частках
У беларускіх дзяржСМІ шырока асвятлялася дзейнасць Аляксея Талая і ягонага фонду па арганізацыі паездак у Беларусь для «дзяцей Данбаса». Але аказалася, што ў часе вайны ва Ўкраіне ён «правёў больш за сотню матывацыйных сустрэчаў і трэнінгаў у расейскіх вайсковых частках і цэнтрах рэабілітацыі», паведамляе АНТ. Ордэн уручаны Аляксею Талаю "за заслугі ва ўмацаванні дружбы і супрацоўніцтва паміж народамі, плённую дзейнасць па збліжэнні і ўзаемаўзбагачэнні культур нацый і народнасцяў". Указ аб узнагароджанні падпісаў Уладзімір Пуцін.
За «экстрэмізм» у сацсетках улады пакаралі віцебскага доктара арыштам на 30 сутак
Суддзя суда Кастрычніцкага раёна Віцебска Уладзімір Царыкаў 2 лістапада за распаўсюд “экстрэмісцкіх” публікацый у сацыяльнай сетцы паўторна арыштаваў на 15 сутак «Чалавек года Віцебшчыны — 2014», загадчыца аддзялення анестэзіялогіі і рэанімацыі абласной бальніцы Аляксандра Ганчарова. Суддзя суда Віцебскага абласнога суда Святлана Іванова 10 лістапада разгледзела скаргу доктара ў апеляцыйным парадку пакінула яе без задавальнення, а пастанову суда першай інстанцыі без змены.
За 9 месяцаў у Шаркаўшчыне пры дапамозе камісіі па садзейнічанні занятасці насельніцтва было ўладкавана ўсяго 6 чалавек
Шаркаўшчынскія ўлады агучылі ў мясцовай раёнцы “Кліч Радзімы” інфармацыю аб рабоце пастаянна дзеючай камісіі па каардынацыі работы па садзейнічанні занятасці насельніцтва Шаркаўшчынскага раёна за студзень - верасень 2023 года.
Старшыня Віцебскай абласной арганізацыі ЛДПБ: Пасля перарэгістрацыі засталіся толькі партыі, якія ўхваляюць цяперашні дзяржаўны курс
Такі парадак рэчаў Ігара Цеплякова вельмі цешыць. Сваімі думкамі пра ліквідацыю ўсіх апазіцыйных партый і падтрымку праўладных партыйных структур старшыня Віцебскай абласной арганізацыі ЛДПБ падзяліўся з афіцыйнай гарадской газетай «Витьбичи». Ад каго сыходзіла ініцыятыва апублікавання інтэрв“ю, застаецца невядомым, але альтэрнатыўных меркаванняў дзяржСМІ ніколі яшчэ не друкавала і наўрад ці надрукуе ў бліжэйшай будучыні.
Выбарчая кампанія – 2024 і ідэалагічны склад хвалюе ўладаў у першую чаргу
Выбарчая кампанія – 2024, захаванне гістарычнай памяці і ідэалагічны склад былі ў цэнтры ўвагі семінара-навучання, што прайшоў у Мёрскім райвыканкаме. У ім бралі ўдзел старшыня Віцебскага абласнога Савета дэпутатаў Уладзімір Цярэнцьеў і дэпутат Віцебскага абласнога Савета дэпутатаў па Мёрскай выбарчай акрузе № 15, гендырэктар КУП «Віцебскаблдарбуд» Уладзімір Мацвееў.
Былой палітзняволенай Ірыне Палянінай працягнулі прэвентыўны нагляд яшчэ на два гады
Жыхарка Паставаў, асуджаная на два гады пазбаўлення волі ў калоніі агульнага рэжыму, вызвалілася па сцячэнні тэрміна пакарання ў лістападзе мінулага году. Па вызваленні ёй быў прызначаны прэвентыўны нагляд на адзін год. 13 лістапада суддзя Пастаўскага раённага суду Наталля Жукава працягнула жанчыне прэвентыўны нагляд яшчэ на два гады.
Жыхары Віцебска просяць мясцовыя ўлады адрамантаваць лесвіцу ў парку 30-годдзя УЛКСМ
На платформе “Зручны горад” 16 кастрычніка з’явілася петыцыя №5712, у якой група мясцовых актывістаў просяць кіраўніцтва Віцебскага гарвыканкама адрамантаваць лесвіцу ў парку 30-годдзя УЛКСМ у Віцебску. Зварот ужо падтрымалі 19 жыхароў горада і збор подпісаў працягваецца.
За «экстрэмізм» у сацыяльнай сетцы ўлады буйна аштрафавалі жыхарку Новалукомля
Суддзя суда Чашніцкага раёна Васіль Коваль 26 кастрычніка за распаўсюджванне ў сацыяльнай сетцы “экстрэмісцкіх” публікацый пакараў штрафам у памеры 1110 рублёў урача-тэрапеўта Новалукомльскай цэнтральнай раённай бальніцы Валянціну Залескую.
Дзяржкантроль Віцебшчыны заклікае грамадзян стаць грамадскімі інспектарамі і дакладваць ім пра правапарушэнні і злачынствы
З 15 снежня 2021 года ў Беларусі функцыянуе сістэма грамадскіх інспектараў Камітэта дзяржаўнага кантролю.