Валянціна Аліневіч: Калі іншыя ня падаюць духам, сорамна перажываць пра дробязі
Палітыка ліставаньня з палітвязьнямі імкліва стала больш жорсткай, пра гэта паведаміла маці Ігара Аліневіча: “2 чэрвеня атрымала ад Ігара ліст, датаваны 21 траўня… Відавочна, што палітыка лістоў стала больш жорсткай. На 1 траўня ён атрымаў толькі адну паштоўку. Раней у гэты дзень ён атрымліваў нават больш паштовак, чымся на Дзень нараджэньня”.
Дзяржаўная прэса спрабуе пераканаць чытачоў, што парэшткі людзей у лесе пад Хайсамі належаць ахвярам нацыстаў
У газэце Віцебскага раёну «Жыццё Прыдзвіння» ў нумары за 19 траўня апублікаваны артыкул нейкай Н. Цірусавай пад загалоўкам «…Где гремели бои» («…Дзе грымелі баі»). Актывісты ініцыятывы «Хайсы» ўпэўненыя, што зьяўленьне гэтага матэрыялу – рэакцыя ўладаў раёну на шэраг публікацыяў у незалежных мэдыях, якія набылі вялікі розгалас, пра масавае пахаваньне людзей у лясным маciве.
32 тысячы жыхароў Віцебскай вобласьці ўнесеныя ў сьпісы дармаедаў
Падатковыя органы Віцебскай вобласьці працягваюць карпатлівую працу па зьверцы даходаў і расходаў фізычных асоб і выяўленьні фактаў незадэкляраваных паступленьняў. У выніку на Віцебшчыне з пачатку году грамадзянам прад’яўлена да выплаты 3 мільярды рублёў падаходнага падатку.
Старшыня дзяржкантролю Віцебскай вобласьці просіць ўзяць на кантроль падпіску на ведамаснае выданьне
Кіраўнікам прадпрыемстваў Віцебскай вобласьці ад імя Вадзіма Заранкіна разасланая факсаграма аб арганізацыі падпіскі на часопіс Камітэту дзяржаўнага кантролю.
Праваслаўны дзяк зь Віцебску называе беларускіх чыноўнікаў ворагамі «рускага сьвету»
У першай палове мая Міністэрства інфармацыі вынесла папярэджаньне газэце Віцебскай епархіі БПЦ (Маскоўскі патрыярхат) «Наше православіе». У сувязі з гэтым на некаторых праваслаўных сайтах, што знаходзяцца ў дамэннай зоне.by (sobor.by, odigitria.by), а таксама на расейскіх сайтах, як zavtra.ru, нехта Анатоль Шлыкаў распаўсюджвае дзіўныя звароты.
У Віцебскай вобласьці праведзеныя мерапрыемствы па канфіскацыі зь незаконнага абароту зброі і боепрыпасаў
Мерапрыемствы ладзіліся ў красавіку і траўні супрацоўнікамі 7-га ўпраўленьня (па Віцебскай вобласьці) галоўнага ўпраўленьня па барацьбе з арганізаванай злачыннасьцю і карупцыяй МУС Беларусі.
Каб уладкаваць дзяцей у 1-ы кляс, жыхары Наваполацку начавалі каля брамы школы
Бацькам будучых першаклясьнікаў з новых мікрараёнаў Наваполацку прыйшлося літаральна начаваць каля брамы школ №14 і №12. Прыём дакумэнтаў у школу пачаўся 2 чэрвеня, але для таго, каб уладкаваць сваіх улюбёных дзяцей у навучальную ўстанову побач з домам, бацькам прыйшлося прастаяць у жывой чарзе двое сутак.
Абласны суд не задаволіў скаргу актывіста аргкамітэту БХД з Аршаншчыны
Сваёй пастановай ад 4 чэрвеня калегія Віцебскага абласнога суду ў складзе судзьдзяў Тацьцяны Матушайкес, Натальлі Хількевіч і Ніны Сазонавай, разгледзеўшы касацыйную скаргу старасты вёскі Стаўры Ігара Грышанава на рашэньне суду Аршанскага раёну і гораду Воршы наконт зносу кіраўніцтвам Аршанскай птушкафабрыкі будынку вясковага клюбу, пакінула яго ў сіле.
Пракуроры ня ўгледзелі парушэньняў заканадаўства ў заявах віцебскага праваабаронцы
Прадстаўнікі віцебскіх пракуратураў праігнаравалі заявы праваабаронцы Валера Місьнікава пра факты парушэньня дзейнага заканадаўства з боку шэрагу службовых асоб. Вартавыя правапарадку, спасылаючыся на закон аб зваротах грамадзян і юрыдычных асоб, аб’явілі спадара Місьнікава неналежным заяўнікам і пакінулі яго скаргі без разгляду і пракурорскага рэагаваньня.
Праваахоўнікі ўступілі ў актыўную фазу рэспубліканскай міжведамаснай праграмы «Клопат», якая штогод рэалізуецца ў краіне з траўня па верасень.