Дырэктар дзяржаўнай установы «Тэрытарыяльны цэнтар сацыяльнага абслугоўваньня насельніцтва» (ТЦСАН) Першамайскага раёну Віцебску Тацьцяна Старынская адмовіла віцебскім праваабаронцам у адкрыцьці пры Народным сацыяльным унівэрсытэце факультэту правоў чалавека. Сваю адмову чыноўніца матывавала тым, што ў праваабаронцаў адсутнічае профільная юрыдычная адукацыя.

У нядзелю, 28 лютага, у Віцебску адбылася справаздачна-выбарная канфэрэнцыя абласной арганізацыі партыі БНФ. Партыйцы выбралі новы склад абласной рады. Яе новым старшынём стаў Кастусь Смолікаў, кандыдатуру якога сябры рады падтрымалі адзінагалосна.

Праз зварот у Камітэт ААН па правох чалавека (КПЧ) віцебскаму сябру Кансэрватыўна-хрысьціянскай партыі БНФ Яну Дзяржаўцаву ўдалося адстаяць свае правы на выказваньне меркаваньня і на мірныя сходы. Згодна з рашэньнем КПЧ, прынятаму надоечы, прадстаўнікі дзяржавы неабгрунтавана абмежавалі правы апазыцыйнага актывіста, калі затрымалі яго з плякатам у падтрымку байкоту выбараў і пакаралі штрафам нібыта за незаконны пікет.

З розных месцаў Віцебскай вобласьці даходзяць весткі, што дзяржаўныя прадпрыемствы сельскай гаспадаркі моцна затрымліваюць выплату заробкаў. На двары канец лютага, а многія гаспадаркі не разьлічыліся з работнікамі яшчэ за лістапад. Самі заробкі моцна ўпалі, іх часткова выдаюць прадуктамі або чэкамі на набыцьцё тавараў у сетцы Белкаапсаюзу.

Дзякуючы звароту віцебскага лекара Ігара Пастнова ў пракуратуру Магілёўскай вобласьці, сталі вядомыя некаторыя падрабязнасьці турэмнага жыцьця Сяргея Рыжова, прэтэндэнта на пасаду прэзыдэнта на выбарах 2010 году. Асуджаны паводле часткі 1 артыкулу 167 і часткі 1 артыкулу 339 Крымінальнага кодэксу (сэксуальны гвалт і хуліганства) палітык адбывае пакараньне ў Магілёўскай папраўчай калёніі №15.

Такое меркаваньне выказалі старшыня пастаяннай камісіі па працы і сацыяльных пытаньнях Палаты прадстаўнікоў Уладзімер Васіленка і намесьнік міністра працы і сацыяльнай абароны Ігар Старавойтаў у адказ на прапанову праваабаронцы Леаніда Сьвеціка.

Чытач сайту charter97.org даслаў у рэдакцыю дакумэнт, якім віцебскі канцэрн «Мяса-малочныя прадукты» абавязаў Полацкі малочны камбінат выплачваць ня менш за 30% заробку работнікам сваёй прадукцыяй.

У 2015 годзе ў абласным цэнтры зарэгістравана 75 злачынстваў карупцыйнай накіраванасьці, што на 10 больш, чымся ў 2014-м. 54 зь іх – хабары і падбухторваньні да іх даваньня (было 40).

Гэты цэнтар быў месцам правядзеньня прадпрымальніцкіх сходаў на працягу двух апошніх месяцаў. Аднак адміністрацыя папярэдзіла: сходы, на якіх прысутнічаюць прадпрымальнікі зь іншых гандлёвых аб'ектаў, «непажаданыя».

Дзьве крымінальныя справы распачатыя паводле факцу нестатутных адносін у адной з вайсковых частак Пастаўскага гарнізону, паведаміў намесьнік начальніка аддзелу па наглядзе за выкананьнем заканадаўства ў войсках пракуратуры Віцебскай вобласьці Юры Смалянка.