Праўладнага актывіста Аляксея Талая, які збірае ахвяраванні «для дзяцей Данбаса», запрасілі ў Оршу агітаваць моладзь ісці на выбары
Выступ аршанскага нараджэнца ў гарадскім палацы культуры быў анансаваны як «урок мужнасці» пад назовам «Зрабі слушны выбар!» А самога Талая прадставілі маладым людзям як матывацыйнага трэнера, паралімпійца, палітыка, прадпрымальніка, бацьку чацьвярых дзяцей, і «благотворителя», маючы на ўвазе ў тым ліку і ягоныя захады па незаконным перамяшчэнні ўкраінскіх дзяцей з часова акупаванай тэрыторыі Украіны, якія расследуецца паводле двух першых частак артыкулу 438 Крымінальнага кодэкса Украіны — парушэнне законаў і звычаяў вайны. За гэта Аляксею Талаю пагражае 15 гадоў або пажыццёвае зняволенне, але на сустрэчы з аршанскай моладдзю пра такі факт не згадалі.
За «экстрэмізм» у сацсетцы ўлады аштрафавалі педагога
Суддзя суда Браслаўскага раёна Вольга Пракопчык 8 снежня за распаўсюд «экстрэмізму» ў сацыяльнай сетцы аштрафавала на 925 рублёў намесніцу дырэктара па вучэбна-вытворчай працы Відзаўскага дзяржаўнага прафесійна-тэхнічнага каледжа Людмілу Капусто.
Газета «Полацкі веснік» распачала адкрыты піяр дзейнай дэпутаткі Святланы Адзінцовай, якая зноў збіраецца ў Палату прадстаўнікоў
Газета «Полацкі веснік» падрабязна асвяціла пікет па зборы подпісаў за вылучэнне спадарыні Адзінцовай, пыцытаваўшы словы маладой жыхаркі Полацка Валерыі Голубевай, удзельніцы Моладзевага парламента пры Полацкім райсавеце. «Сваёй працай у акрузе яна паказала сябе ініцыятыўным, неабыякавым да чужых бедаў дэпутатам і чалавекам, бо тржба мець вялікую адказнасць, каб прадстаўляць інтарэсы людзей і дапамагагаць ім у вырашэнні надзённых пытанняў. Упэўнена, што Святлана Уладзіміраўна і далей будзе працаваць на карысць і дзеля росквіту нашай краіны. І дакладна буду галасаваць за яе на выбарах», - кажа дзяўчына, якая ўжо спрычынілася да супрацы з уладнымі структурамі і не мае сумневаў нават у тым, што спадарыню Адзінцову абавязкова зарэгіструюць у якасці кандыдаткі.
За "экстрэмізм" у сацыяльных сетках улады арыштавалі работніка "Нафтана"
Суддзя суда Наваполацка Зінаіда Балаболава 13 снежня за падпіску на «экстрэмісцкія» інфармацыйныя рэсурсы арыштавала на 15 сутак работніка НВА «Нафтан» Аляксандра Ляшкова. А суддзя таго ж суда Святлана Гаўро, 27 снежня, пакарала мужчыну за «экстрэмізм» у сацыяльнай сетцы арыштам на 14 сутак.
Віцебскай вобласці электаральны працэс праходзіць па сцэнары ўлад
Згодна з планам выбарчай кампаніі ў рэгіёне завяршыўся працэс утварэння ўчасткаў для галасавання і падыходзіць да завяршэння падача дакументаў для рэгістрацыі кандыдатаў на працу ў мясцовых Саветах усіх узроўняў.
Таццяну Севярынец будуць судзіць 25 студзеня
Маці палітвязня Паўла Севярынца, вядомага палітыка і пісьменніка вінавацяць паводле арт. 24.23 КаАП (несанкцыянаванае пікетаванне) і ч. 2 арт.19.11 КаАП (распаўсюд "экстрэмісцкіх" матэрыялаў) – на яе склалі два адміністрацыйныя пратаколы. Магчыма, суд будзе разглядаць іх, аб’яднаўшы ў адну справу. Судовы працэс распачнецца ў 10.30 у судзе Першамайскага раёна Віцебска.
40 чалавек у дзень. Полацкая пракуратура раздае папярэджанні
З набліжэннем выбараў актывізаваліся работнікі Полацкай раённай пракуратуры. Міліцыянты разносяць позвы мясцовым жыхарам, якіх лічаць «нядобранадзейнымі». Каб трапіць у гэты пералік, дастаткова мець «палітычную» адміністратыўную справу, хай сабе і трохгадовай даўніны. Хаця, паводле заканадаўства, чалавек можа чэсна казаць, што не мае адміністрацыйных спагнанняў, калі з тае пары прамінуў адзін год. Але міліцыя і пракуратура лічыць такіх людзей патэнцыйна небяспечнымі і выклікае на прафілактычныя гутаркі.
З браслаўскага музея традыцыйнай культуры пасля «палітычных адміністратывак» звольнілі 7 чалавек
Страцілі працу і тыя, хто адбываў прысуджаны адміністрацыйны арышт, у тым ліку цяпер ужо былая загадчыца музея Элеанора Зінкевіч, і нават тыя, каму былі прысуджаны штрафы. Вызваленыя пасады пакуль не занятыя: у Браславе проста няма адмыслоўцаў у музейнай справе, тым болей адмысловага профілю – знаўцаў у галіне традыцыйнай культуры. Паводле сацыяльных сетак установы, там прымаюць наведнікаў, але пад пытаннем даследчыцкая і навуковая праца музея -ёй цяпер папросту няма каму займацца.
У Воршы адмоўлена ў рэгістрацыі ініцыятыўнай групы. Гэта другі выпадак у Віцебскай вобласці
Віцебская абласная выбарчая камісія 29 снежня прыняла канчатковае адмоўнае рашэнне па скарзе на жыхара Оршы Уладзіміра Байцова. Ён абскардзіў рашэнне Аршанскай раённай выбарчай камісіі аб адмене рашэння аб рэгістрацыі ініцыятыўнай групы выбаршчыкаў па вылучэнні кандыдатам у дэпутаты Аршанскага раённага Савета дэпутатаў. Але, так як рашэнне Віцебскай ВК было заснаванае на няправільна прыманай норме закона, гэтае рашэнне павінна быць адменена.
За правядзенне недазволенага пікету ў сацсетцы ўлады арыштавалі наваполацкага прадпрымальніка
Суддзя суда Наваполацка Зінаіда Балаболава 24 лістапада за правядзенне несанкцыянаванага ўладамі пікету ў сацыяльнай сетцы пакарала арыштам на 10 сутак мясцовага індывідуальнага прадпрымальніка Дзмітрыя Апанасавіча.