Палы травы і ашуканцы - надзённыя тэмы для інфармацыйна-прапагандысцкіх груп на Лепельшчыне
У актавай зале Лепельскага УЭС Віцебскага філіяла РУП "Белтэлекам" адбылася сустрэча інфармацыйна-прапагандысцкай групы з супрацоўнікамі арганізацыі электрычнай сувязі і Лепельскага міжраённага аддзела Дзяржаўнага камітэта судовых экспертыз. Піша сайт мясцовай раёнкі “Лепельскі край”.
У Шуміліне звольнілі настаўніцу ангельскай мовы, а прафсаюз застаўся ўбаку
Старшыня суда Шумілінскага раёна суддзя Алена Сініцкая 11 сакавіка адмовілася аднавіць на працы і выплаціць заработную плату за час вымушанага прагулу настаўніцы англійскай мовы не члену прафсаюза Юліі Віеру. Адказчыкам у гэтай грамадзянскай справе была адміністрацыя шумілінскай СШ №1 у асобе дырэктара школы Вольгі Далецкай.
Дзяржкантроль праверыў гандлёвыя аб'екты Браслаўскага раёна. У кожным выяўленыя парушэнні
Полацкі міжраённы камітэт дзяржаўнага кантролю працягвае кантроль, які датычацца гандлёвага абслугоўвання насельніцтва.Кантрольнымі мерапрыемствамі выяўлены парушэнні ў кожным з 7 абследаваных у снежні 2023 г. - лютым 2024 г. гандлёвых аб'ектаў Полацкага, Глыбоцкага і Браслаўскага раёна.
СШ№1 просіць для музея «піянерскія атрыбуты 1940-90 гадоў» для «захавання традыцыйнай культуры»
У газеце «Полацкі веснік» надрукавалі аб'яву ад імя дырэктара сярэдняй школы №1 П.Ястрэмскага. У ёй гаворыцца пра тое, што «музейныя пакоі піянерскага і камсамольскага руху запрашаюць далучыцца да акцыі, мэтай якой з'яўляюцца захаванне традыцыйнай культуры і выхаванне юнага пакалення». Можна было б падумаць, што стваральнікі «музейных пакояў» хочуць заховаць традыцыйную культуру свайго народу і просяць падзяліцца, да прыкладу, этнаграфічнымі экспанатамі». Аднак зусім не тыя экспанаты маюцца на ўвазе.
У экаактывістаў з'явілася магчымасць атрымаць грант для рэалізацыі праектаў для лакальнага ўстойлівага развіцця рэгіёну
Прадстаўнікі ПРААН правялі 28 сакавіка сумесна з камітэтам эканомікі аблвыканкама, семінар, прысвечаны праекту міжнароднай тэхнічнай дапамогі "Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця". У рамках праекта беларусы могуць выйграць гранты да 22 тыс. долараў ЗША пры фінансавай падтрымцы з боку Урада Расійскай Федэрацыі.
За распаўсюд «экстрэмізму» ў месэнджэры ўлады арыштавалі работніка гандлю
Суддзя суда Першамайскага раёна Віцебска Наталля Карабліна 21 сакавіка за распаўсюд у мэсэнджэры “экстрэмісцкіх” публікацый пастанавіла арыштаваць на 7 сутак прадаўца-кансультанта Кірыла Петтэра.
На Віцебшчыне не хапае больш за 1400 медыцынскіх работнікаў
У Віцебскай вобласці працуюць каля 5 тысяч лекараў і 13,5 тысяч сярэдніх медыцынскіх работнікаў. Пра гэта паведамілі на выніковай калегіі галоўнага ўпраўлення па ахове здароўя Віцебскага аблвыканкама. Прычым начальнік упраўлення Міхаіл Вішнявецкі заўважыў, што ў рэгіёне адчуваецца кадравы голад у гэтай сферы.
У сакавіку «экстрэмісцкі спіс» МУС папоўніўся яшчэ двума жыхарамі Віцебшчыны
Туды трапілі палітзняволены Уладзімір Лісіца, асуджаны да трох гадоў пазбаўлення волі паводле арт. 369 Крымінальнага кодэкса (Абраза прадстаўніка ўлады) і 45-гадовая жыхарка Віцебска Валерыя Іванова, асуджаная паводле таго д крымінальнага артыкула. Звестак пра справу жынчыны ў адкрытых крыніцах няма: вядома толькі, што 6 снежня мінулага года яе судзілі ў Кастрычніцкім райсудзе Віцебска, і што сёлета 1 сакавіка Віцебскі абласны суд разбіраў яе апеляцыйную скаргу. Выглядае, што там падтрымалі рашэнне суда першай інстанцыі: у «экстрэмісцкі спіс» людзей звычайна дадаюць пасля таго, як прысуд уступіў у законную сілу.
“Усё трэба рабіць для чалавека”
Такі пафасны загаловак выбрала шаркаўшчынская раёнка для свайго артыкула па выніку мерапрыемства, якое ладзілі мясцовыя ідэолагі. Падчас яго яны справаздачыліся пра вынікі сваёй працы.
Няма праблем? Або няма даверу да дзяржаўнай газеты?
Ад пачатку 2024г. у гарадской газеце «Витьбичи» не працуе рубрыка «Есть проблемы? Обращайтесь!» Апошні артыкул у гэтай рубрыцы, прызначанай для таго, каб карэспандэнты дзяржаўнага выдання дапамагалі ў вырашэнні жыццёвых пытанняў мясцовым жыхарам, датаваны снежнем 2023г. Зрэшты, і ранейшае напаўненне гэтай рубрыкі рэдакцыйнымі матэрыяламі – штучнае і ніяк не сведчыць пра тое, што віцябляне насамрэч давяраюць газеце.