«Жыве беларус! І жыць будзе!» – сьцьвярджае ўсім сваім жыцьцём і дзейнасьцю Ўладзімер Собалеў
Гісторыя жыхара Лёзна Ўладзімера Собалева, якому віцебскае прадстаўніцтва менскай фірмы «ААТ Лазер графікс» у траўні адмовіла ў вырабе на яго замову шыльды з тэкстам «Жыве беларус», стала вядомай на ўсю краіну. Даведацца пра тое, ці лёгка жывецца ў спрэс зрусыфікаваным асяродзьдзі ўсходняй Беларусі самаму што ні на ёсьць сапраўднаму беларусу Лёзьненшчыны, мы вырашылі зь першых вуснаў, дзеля чаго і выправіліся ў падарожжа да гэтага неардынарнага ва ўсіх адносінах чалавека.
Віцебскі актывіст ня змог адстаяць у судзе сваё права на атрыманьне дапамогі па беспрацоўі
Нягледзячы на тое, што з 2 траўня 2013 году грамадзкі актывіст Рафаэль Габрыэль Саламонавіч Кірылаў-Шмільхольдхард зарэгістраваны ў гарадзкім цэнтры занятасьці ў якасьці беспрацоўнага, дапамогі па беспрацоўі ён не атрымлівае: ад яго патрабуюць спачатку адпрацаваць на грамадзкіх працах 22 працоўныя дні. Актывіст паспрабаваў зьмяніць сытуацыю, зьвярнуўшыся ў суд, але гэта яму не дапамагло.
ААТ «Даламіт» труціць жыхароў навакольных вёсак?
У карпункт газэты «Рэспубліка» патэлефанавалі занепакоеныя вяскоўцы і паведамілі, што ў мікрараёне пасёлку Руба Віцебскай вобласьці няма чым дыхаць. На думку заяўнікаў, прадпрыемства па перапрацоўцы даляміту павялічыла выкіды пылу ў атмасфэру.
Збанкрутавалы віцебскі вінаробны завод будзе ліквідаваны
Эканамічны суд Віцебскай вобласьці вынес рашэньне аб банкруцтве зь ліквідацыяй ААТ “Віцебскі вінаробны завод” (ААТ “ВіцВін”), паведаміў судзьдзя Анатоль Гурэеў.
За касмэтычны рамонт пад’езду полацкія камунальнікі выставілі рахунак пэнсіянэрцы ў два мільёны
Жанна Ціханенка пражывае ў трохпакаёвай кватэры на праспэкце Ф. Скарыны, 38, у Полацку. Паводле яе слоў, пасьля нядаўняга рамонту пад’езду, зробленага па ініцыятыве мясцовага ЖКГ, камунальнікі выставілі ёй рахунак амаль у 2 мільёны рублёў. Уласьнікі «аднушак» павінны заплаціць мільён, «двушак» - амаль 1,5 мільёну рублёў.
На Ушаччыне адзначылі 91-я ўгодкі нараджэньня Васіля Быкава
Урачыстасьць прайшла 20 чэрвеня ў двары дому-музэю пісьменьніка ў вёсцы Бычкі. Прысутнічалі на імпрэзе блізу паўтары сотні чалавек зь Віцебску, Менску, Полацку, Глыбокага, Гародні, Паставаў, Шаркоўшчыны і іншых гарадоў нашай краіны. Былі нават госьці з Украіны. Падчас сьвяткаваньня была ўручаная прэмія “За свабоду думкі”, якую сёлета атрымаў Ніл Гілевіч.
Інвалід-вазочнік зь Лёзна: Мы стараемся вырашаць нашы праблемы самі
Пасьля сустрэчы з такімі людзьмі, як інвалід першай групы зь дзяцінства Віктар Міхальчэнкаў, пачынаеш інакш глядзець на сьвет і людзей вакол цябе.
У Віцебску затрымалі крышнаітаў
Спроба распаўсюду духоўнай літаратуры на вуліцах Віцебску завяршылася для пасьлядоўнікаў Міжнароднага таварыства сьвядомасьці Крышны затрыманьнем і некалькімі гадзінамі, праведзенымі ў міліцэйскім пастарунку. Непасрэдны ўдзел у затрыманьні вернікаў браў галоўны спэцыяліст аддзелу па справах рэлігіяў і нацыянальнасьцяў Віцебскага аблвыканкаму Сяргей Фадзеенкаў.
На зварот жыхароў Віцебску ўлады ў чарговы раз паабяцалі зрабіць роварныя дарожкі
Каб дамагчыся ад уладаў абяцаньня зрабіць інфраструктуру для ўладальнікаў ровараў, прадстаўнікам віцебскай грамадзкасьці спатрэбілася амаль 4 гады. Цяпер засталося дачакацца, каб абяцаньні былі выкананыя. Але якраз у гэтым ёсьць вялікія сумненьні.
На Віцебшчыне па-ранейшаму затрымліваюць выплату заробку
175 прадпрыемстваў Віцебшчыны не даюць рады з абавязкамі па заробках перад работнікамі. Сярод віцебскіх прадпрыемстваў, якія вінныя сваім работнікам грошы, фабрыкі «КІМ», «Знамя індустрыялізацыі», ДСК, ядвабны камбінат, тры ўправы будтрэсту №9, садавінагародніны камбінат і іншыя.