У Віцебску ў прыватніка канфіскавалі бытавую і кампутарную тэхніку коштам амаль у 35 тысяч даляраў
Па рашэньні эканамічнага суду вобласьці за нелегальны гандаль у аднаго з прыватных прадпрыемстваў Віцебску канфіскавана бытавой і кампутарнай тэхнікі больш як на 640 мільёнаў рублёў, а таксама накладзены штраф у 3,6 мільёну. Абласная пракуратура, куды ўладальнік ПУП неаднаразова зьвяртаўся са скаргамі, ня выявіла парушэньняў у працы падатковых органаў падчас кантрольнай закупкі.
Вярхоўны суд не адказаў на зварот праваабаронцаў наконт справы Міхаіла Жамчужнага
4 студзеня старшыня Праваабарончага цэнтру «Вясна» Алесь Бяляцкі накіраваў скаргу пракурору Ленінскага раёну Менску ў сувязі з тым, што на яго зварот па справе Міхаіла Жамчужнага Вярхоўны суд да гэтага часу ня даў адказу. Зварот старшыню Вярхоўнага суду Рэспублікі Беларусь быў накіраваны 12 лістапада 2015 году.
Прадпрымальнікі Воршы патрабуюць скасаваньня ўказу №222
Дзясяткі прадпрымальнікаў выйшлі на акцыю пратэсту на Цэнтральным рынку ў Воршы. Пратэстоўцы трымалі плякаты «Працу прадпрымальнікам» і «Скасаваць указ №222». У сваёй заяве прадпрымальнікі падкрэсьлілі: «Мы паказваем усім, што мы не ў «адпачынках», а патрабуем скасаваць указ №222. Паглядзіце, колькі людзей сабралася!»
Пракуратура праверыла стан жылога фонду ў Віцебскай вобласьці
Пракурорскія работнікі Віцебскай вобласьці прааналізавалі захаванасьць і належную эксплёатацыю жылога фонду. Праверкі сьведчаць, што наймадаўцы зацягваюць зь бягучым і капітальным рамонтам будынкаў, дапускаюць іншыя парушэньні жыльлёвага заканадаўства.
Віцебскія прадпрымальнікі: Ня хочам ніякіх мітынгаў і пратэстаў, хочам проста працаваць
Дэлегацыя прадпрымальнікаў з розных гандлёвых цэнтраў і рынкаў Віцебску 6 студзеня наведала аблвыканкам. Прадпрымальнікі перадалі ўладам рашэньне праведзенага напярэдадні сходу пра тое, што не адновяць працу, пакуль ня будзе скасаваны ўказ № 222.
Алена Сьцяпанава: Я мяркую, мы перамаглі таму, што праявілі творчую самастойнасьць
З той нагоды, што віцебская суполка грамадзкага аб'яднаньня “Беларуская асацыяцыя журналістаў” перамагла ў конкурсе на найлепшую філію 2015 году, яе куратар, Алена Сьцяпанава, адказала на некалькі пытаньняў для чытачоў нашага сайту.
Аршанскі льнокамбінат выратуюць кітайцы?
Урад Беларусі плянуе прыцягнуць амаль 52 мільёны даляраў крэдыту на мадэрнізацыю Аршанскага льнокамбінату. Пазыку дзяржава мяркуе ўзяць у кітайскім экспартна-імпартным банку (Эксім-банк) - фактычна ў цэнтральнага ўраду КНР. Чакаецца, што крэдыт будзе ўзяты на 15 гадоў для рэалізацыі другога этапу мадэрнізацыі прадпрыемства з пашырэньнем вытворчасьці.
Адміністрацыйнае рэха прэзыдэнцкіх выбараў (абноўлена)
Напрыканцы мінулага году начальнікам аддзелу аховы правапарадку і прафіляктыкі АУС адміністрацыі Чыгуначнага раёну Віцебску маёрам міліцыі Аляксандрам Рыбаковым была спыненая вытворчасьць па адміністрацыйнай справе ў дачыненьні да праваабаронцы Валера Місьнікава. Прычына такога рашэньня – адсутнасьць у дзеяньнях грамадзянскага актывіста складу адміністрацыйнага правапарушэньня.
Бар’ерны полацкі суд (фота)
У Полацку ў будынку суду ідзе рамонт. Новая шыльда на фасадзе суду Полацкага раёну і гораду Полацку зь ліпеня 2015 году падкрэсьлівае веліч «Палаца правасудзьдзя». Будынак новай канструкцыі мае пандус для наведваньня суду грамадзянамі з абмежаванымі магчымасьцямі (вазочнікамі), што таксама сьведчыць пра разуменьне праблемы безбар'ернага асяродзьдзя. Аднак доўгае знаходжаньне ў судзе інвалідаў не прадугледжанае.
Чарговы сьведка пераконвае: у Вераб’ёвым лесе пахаваныя ахвяры сталінскіх рэпрэсіяў
Пасьля эксгумацыі чалавечых парэшткаў зь няўлічанага пахаваньня ля вёскі Хайсы салдатамі 52-га асобнага спэцыялізаванага пошукавага батальёну распачалася прапагандысцкая кампанія па залічэньні невядомых ахвяраў на рахунак нямецкіх акупантаў. Жыхары навакольных вёсак, якія суадносяць іх з часамі сталінскіх рэпрэсіяў, абураныя: яны мяркуюць, што ўлады нахабна скажаюць гістарычную праўду.