Віцебскі ідэолаг- «змагар з фэйкамі» перастараўся настолькі , што яго давялося абвяргаць ў праграме абласнога тэлебачання
Пад увагу Святаслава Міхайлава, галоўнага спецыяліста ідэалагічнай работы і па справах моладзі Віцебскага аблвыканкама, трапіў скандал у полацкім універсітэце. Студэнты пачалі масава скардзіцца, што іх перасяляюць у працоўныя інтэрнаты, бо ў студэнцкіх месцаў няма – туды селяць студэнтаў-замежнікаў. Святаслаў Міхайлаў назваў гэта ў сваім блогу «хлуснёй», а звесткі пра незадаволенасць студэнтаў – спробай дэскрыдытаваць улады напярэдадні прэзідэнцкіх выбараў. Але ў тэлепраграме «Віцебскі веснік» інфармацыю пра перасяленне студэнтаў пацвердзілі.
Жыхарам аграгарадка Альгова кампенсавалі выдаткі за залітыя дажджом кватэры. Але толькі за тры
Сёлета бяда да альгоўцаў прыйшла адкуль не чакалі: у сярэдзіне траўня трохпавярховы дом на вуліцы Цэнтральнай пачалі рамантаваць. У прыватнасці, рамантавалі дах. Але пачаліся дажджы, і якраз на той момант дах быў «адкрыты», прасцей сказаць – яго не было. Кончаткова праблема вырашылася толькі цяпер – позняй восенню.
Віцябляне скардзяцца, што вымушаны ездзіць «зайцамі» у новых аўтобусах
З грамадскім транспартам у абласным цэнтры кепска, асабліва бракуе аўтобусаў - вялікая частка машын ужо даўно выпрацавала належны амартызацыйны тэрмін. Аўтобусы ці падоўгу стаяць на рамонце, ці ўвогуле на лініі няма чаго выпускаць... Таму з'яўленне дзесяці новых МАЗ-216047, якія закупіў горад, было заўважана з вялікай радасцю. Але ж транспартныя сродкі выпусцілі на маршруты непадрыхтаванымі, і некаторыя пасажыры рызыкуюць атрымаць штраф за безбілетны праезд – але не па ўласнай віне.
Сёлета ў Віцебску 7 лістапада камуністы адзначалі разам з прадстаўнікамі праўладных партый
Нешматлікая ў апошнія дзесяцігоддзі група ўдзельнікаў «кастрычніцкага» мітынгу нечакана папоўнілася: да яе далучыліся прадстаўніцтвы партый «Белая Русь» і ЛДПБ. Даслалі на імпрэзу і прадстаўнікоў Саюзу беларускіх афіцэраў, і моладзь з БРСМ, і спадарынь з Беларскага саюзу жанчын. Каля помніка Леніну на аднайменнай плошчы было шмат партыйных сцягоў і іншай «дазволенай сімволікі».
Шумілінскі райвыканкам прыняў рашэнне аб устанаўленні планава-разліковых цэн на паслугі ЖКГ у 2025 годзе. Ці ўсё ў ім справядліва?
Рашэнне № 881 Аб устанаўленні планава-разліковых цэн на 2025 год было прынята Шумілінскім райваканкамам 21 кастрычніка 2024 г. У рашэнні ўказаны такія віды паслуг, як каналізацыя, водазабеспячэнне, цеплазабеспячэнне, абыходжанне з адходамі, тэхнічнае абслугоўванне. Аднак, не пазначаны дадатковыя паслугі. Наколькі гэта істотна, разважае юрыст.
За тры працоўныя дні гэтага тыдня суды Віцебшчыны правялі 29 судовых працэсаў па палітычных адміністрацыйных справах. Якія суды былі найбольш адметныя.
У панядзелак, 4 лістапада, на Віцебшчыне судзілі мінімум 8 чалавек за «распаўсюд экстрэмізму» у інтэрнэце. У аўторак, 5 лістапада, мінімум 10 судовых працэсаў па ч.2 арт.19.11 і ч.1 арт.24.23 КаАП. У сераду, 6 лістапада, прайшлі мінімум 11 такіх працэсаў. Што адметнага заўважылі праваабаронцы.
Шумілінская «раёнка» прыдумала тэрміны, якіх няма ў беларускім заканадаўстве
Тыя, хто сочыць за павелічэннем колькасці судоў за «распаўсюд экстрэмізму» у інтэрнэце, напэўна здагадаліся, пра што гаворка. Патлумачым: паводле ч.2 арт.19.11 КаАП жыхароў вобласці ўсё часцей караюць за рэпосты і падпіскі на «экстрэмісцкую інфармацыйную прадукцыю», пералічаную ў Рэспубліканскім спісе экстрэмісцкіх матэрыялаў, які складае Міністэрства інфармацыі. Незразумела, навошта газета «Патрыёт» вырашыла застрашваць чытачоў няіснай тэрміналогіяй.
Зіма блізка, а на Віцебскім камунальным прадпрыемстве «Гордормост» не хапае мінімум 100 працаўнікоў
Пра гэта гаварылі на адмысловым семінары, дзе абмяркоўвалася тэма ўборкі снега гэтай зімой. Семінар праводзіў старшыня Віцебскага гарвыканкама Аляксей Героеў. Адказ трымала прадпрыемства «Гордормост», якое мусіць забяспечваць утрыманне віцебскаіх вуліц у належным тэхнічным стане.
Дваіх жыхароў Віцебшчыны ўключылі ў «экстрэмісцкі спіс» МУС
Гэта жыхарка аграгарадка «Акцябрскі» Валянціна Крыштопенка – жанчына з першай групай інваліднасці, асуджаная да «хатняй хіміі» за «садзеянне экстрэмісцкай дзейнасці». І наваполацкі актывіст Яўген Вільскі, які вымушана пакінуў Беларусь, і таму яго асудзілі ў парадку спецвытворчасці па трох артыкулах Крымінальнага Кодэкса.
Шаркоўшчынскі райвыканкам прыняў рашэнне, не зразумелае мясцовым жыхарам
Рашэнне Шаркоўшчынскага райвыканкама «Аб дэлегаванні паўнамоцтваў» было прынята 9 кастрычніка 2024 года. І ўступіла ў сілу пасля яго апублікавання. Аднак даты публікацыі нідзе няма, і грамадзянам без юрыдычных ведаў вызначыць яе складана, падкрэслівае юрыст. І ніколькі не лягчэй разабрацца, пра што гэтае рашэнне.