Валянціну Болбат забралі адседжваць прысуджаныя ёй раней 30 сутак
Грамадскую актывістку з Верхнядзвінска Валянціну Болбат раніцай 31 ліпеня міліцыянты забралі з дому. Яна павінна адседзець прысуджаныя ёй раней 30 сутак, і, хутчэй за ўсё, гэта будзе ў Віцебскім ІЧУ.
За «экстрэмізм» улады пакаралі арыштам верхнядзвінскага прадпрымальніка
Суддзя суда Верхнядзвінскага раёна Таццяна Кукліна 11 ліпеня за распаўсюд «экстрэмісцкіх» матэрыялаў у сацыяльных сетках арыштавала на 15 сутак мясцовага прадпрымальніка Вячаслава Дэмбоўскага. Судовае паседжанне прайшло без удзелу «правапарушальніка», хаця ў міліцыі з пратаколам аб адміністрацыйным правапарушэнні ён быў згодны.
У чатыры разы больш, у параўнанні з мінулым годам, за першае паўгоддзе фізічныя асобы ўвезлі аўтамабіляў
Паводле дадзеных мытных органаў, планавае заданне, даведзенае сістэме мытных органаў на 1 паўгоддзе 2023 года, быццам выканана на 116,4 працэнта. У бюджэт краіны паступіла больш за 6 млрд 500 млн рублёў. З іх амаль 350 млн. рублёў прыпадае на Віцебскую мытню.
Падчас пілігрымкі затрымалі Барыса Хамайду
Затрыманне адбылося 28 ліпеня. 75-гадовы грамадскі актывіст і вернік, Барыс Хамайда выправіўся ў Росіцу, каб узяць удзел у пілігрымцы, прысвечанай росіцкім мучанікам, святарам марыянам Юрыю Кашыру і Антонію Ляшчэвічу, якія 80 гадоў таму, у лютым 1943г., былі спаленыя ў мясцовым касцёле разам з парафіянамі. З Віцебска да Бігосава спадар Барыс ехаў дызелем, каб прайсці пехам апошнія 10 км. Але яго затрымалі памежнікі.
У Віцебскім рэгіёне выяўлены крыптавалютчыкі, якія ажыццяўлялі незаконную прадпрымальніцкую дзейнасць
Праваахоўныя органы адкрылі сезон "палявання" за жыхарамі Віцебскай вобласці, якія актыўна прадастаўляюць паслугі па абароце крыптавалюты. Цяпер выяўлены тры выпадкі парушэння Дэкрэта "Аб развіцці лічбавай эканомікі" для фізічных асоб. Згодна з гэтым дакументам для нерэзідэнтаў Парка высокіх тэхналогій прадпрымальніцкая дзейнасць па абароце крыптавалюты забаронена. У адпаведнасці з заканадаўчымі актамі такая дзейнасць з'яўляецца незаконнай і караецца штрафам у 50 базавых велічыняў з канфіскацыяй усяго атрыманага даходу.
Наваполацкія ўлады пакаралі арыштам мясцовага жыхара за расклейку антываенных улётак з выявай Пуціна
Суддзя суда Наваполацка Зінаіда Балаболава 11 ліпеня за праведзены без дазволу ўладаў пікет пастанавіла арыштаваць на 15 сутак механіка ўстаноўкі ААТ "Нафтан" Іллю Двойрына. Аднак у судовае паседжанне мужчына не з'явіўся, завочна віну прызнаў, хадайнічаў аб разглядзе адміністрацыйнай справы ў яго адсутнасць.
У Браславе праблемы з грамадскімі прыбіральнямі, урнамі і дарогамі. А чыноўнікаў больш хвалюе дэмаграфічны стан
Усе раёны Віцебшчыне, як па камандзе зверху, апошнім часам занепакоеныя адной важнай для іх тэмай – тэмай дэмаграфіі. Дэмаграфічная сітуацыя ў Браслаўскім раёне стала таксама галоўнай тэмай абмеркавання ў рамках сустрэчы інфармацыйнай групы на чале са старшынём райвыканкама Вячаславам Грышчанкам з калектывам філіяла ДРБУ-142.
Улады за абразу Лукашэнкі палітвязня асудзілі на два гады калоніі
У Віцебскім раённым судзе 21 чэрвеня асудзілі палітзняволенага Канстанціна Ступнікава паводле ч. 1 арт. 368 (Абраза Лукашэнкі) Крымінальнага кодэкса. Суддзя Міхаіл Зубеня прызначыў Канстанціну два гады пазбаўлення волі ў калоніі ва ўмовах агульнага рэжыму.
За распаўсюд «экстрэмізму» ўлады пакаралі грамадскімі працамі «Лепшага працаўніка транспарту»
Суддзя суда Докшыцкага раёна Вяеслаў Елісеенка за распаўсюд «экстрэмісцкіх» матэрыялаў у сацыяльных сетках пакараў сарака гадзінамі грамадскіх прац кіроўца філіяла «Докшыцыводаканал» Валерыя Шылько, якому ў 2023 годзе ўлады прысвоілі ганаровае званне «Лепшы работнік транспарту».
Другі абавязковы элемент школьнага адзення ўводзяць школы Ушаччыны
Новаўвядзенне чакае школьнікаў з 1 верасня. Да першага абавязковага элемента школьнага адзення, уведзенага летась, дадаецца другі. Яго кожная ўстанова вызначае самастойна – па сумесным рашэнні адміністрацыі, вучняў, бацькоў. Улады абяцаюць, што гэта пакуль усё і нічога новага дадаваць не будуць.