Па выніках паўгоддзя недзяржаўны сектар сфарміраваў трэць даходаў бюджэту Віцебскай вобласці
У студзені-чэрвені суб'екты недзяржаўнага сектара эканомікі сфарміравалі 31 працэнт даходаў кансалідаванага бюджэту Віцебскай вобласці. Гэтыя дадзеныя абнародавала абласная падатковая інспекцыя.
Брыцікаву і Кухаронка вінавацяць паводле арт. 361 Крымінальнага Кодэксу
Праваабаронцам стала вядома, што Вольгу Брыцікаву, былую старшыю незалежнага прафсаюзу ААТ «Нафтан», вінавацяць паводле ч. 1 арт. 361 КК РБ (Публічныя заклікі да захопу дзяржаўнай улады, або гвалтоўнага змянення канстытуцыйнага ладу Рэспублікі Беларусь, або здрадзе дзяржаве, або здзяйснення акта тэрарызму або дыверсіі, або ажыццяўлення дзеянняў, накіраваных на парушэнне тэрытарыяльнай цэласнасці Рэспублікі Беларусь, або здзяйснення іншых дзеянняў, накіраваных на прычыненне шкоды нацыянальнай бяспецы Рэспублікі Беларусь, у тым ліку на прымяненне мер абмежавальнага характару (санкцый) у дачыненні да Рэспублікі Беларусь). Аляксандра Кухаронка вінавацяць паводле таго ж артыкула, але па каторай частцы – звестак няма.
Факт: апошнім часам давер да ўладаў знаходзіцца на нізкім узроўне
У Браслаўскім райвыканкаме на днях правёў прыём грамадзян намеснік старшыні Віцебскага аблвыканкама Уладзімір Белавус. На сустрэчу з віцебскім чыноўнікам прыйшло толькі двое грамадзян. Піша сайт браслаўскай раёнкі braslav-star.by. Абодва звароты датычыліся дарожнай галіны.
Асабісты «рэкорд» суддзі Наталлі Карабліной: 65 сутак арышту за адзін працоўны дзень
Валанцеры прааналізавалі працу суда Першамайскага раёна Віцебска і высветлілі, што суддзя Наталля Карабліна толькі за адзін дзень 26 чэрвеня асудзіла 5 чалавек па палітычных адміністрацыйных справах. Усіх прызнала вінаватымі і пастанавіла накіраваць пад арышт на тэрміны ад 10 да 15 сутак. Агулам атрымалася 65 сутак зняволення, прычым паводле «гендэрнага падыходу» суддзя накіроўвала за краты мужчын на 15 сутак, а жанчын – на 10.
Барыс Хамайда на волі, але без пашпарта
Найстарэйшы віцебскі апазіцыянер адбыў 15-суткавы арышт, прысуджаны яму паводле арт. 24.23 КаАП. Незаконным пікетаваннем Верхнядзвінскі райсуд у асобе суддзі Таццяны Куклінай прызнаў наяўнасць налепкі ў «Пагоняй» у пашпарце Барыса Хамайды. Налепку заўважыў памежнік, які правяраў дакументы на выхадзе з цягніка Полацк-Бігосава. Па яго ініцыятыве 75-гадовы актывіст, які збіраўся ў Бігосаве далучыцца да пешай пілігрымкі ў Росіцу, быў затрыманы і асуджаны.
У Наваполацку затрымалі Вольгу Брыцікаву і Аляксандра Кухаронка, іх вінавацяць за заклікі да санкцыяў
Паводле праваабаронцаў, затрыманне, меркавана, адбылося 11 жніўня. Вольга Брыцікава, былая старшыня незалежнага прафсаюзу ААТ «Нафтан», была на лецішчы калі па яе прыехалі супрацоўнікі АМАПу. Абодвух затрымалі ў межах крымінальнай справы паводле ч. 2 арт. 361 Крымінальнага кодэкса (Заклікі да санкцый, іншых дзеянняў, накіраваных на прычыненне шкоды нацыянальнай бяспецы Беларусі).
Суддзя Талачынскага райсуду, якая карала людзей па палітычных справах, атрымала падвышэнне
21 ліпеня Наталля Барысавец прысудзіла штраф памерам 1110 рублёў шматдзетнай маці, пакараўшы яе за «распаўсюд экстрэмісцкіх матэрыялаў. І літаральна праз два тыдні яе прадстаўлялі на новай пасадзе новаму калектыву – яна стала старшынёй Сенненскага раённага суда. Былую старшыню Інну Досаву ссунулі ў шэраговыя суддзі.
З’явілася петыцыя за наданне вуліцы ў Віцебску імя Генадзя Бураўкіна
Стваральнікі звароту, адрасаванага ў гаравыканкам, нагадваюць пра значную ролю Бураўкіна ў жыцці краіны: ён быў выбітным паэтам, а таксама дзяржаюным дзеячам. З 1980 па 1990 гады быў дэпутатам Вярхоўнага Савета БССР 10 i 11 склiканняў. З 1990 па 1994 гады займаў пасаду Пастаяннага прадстаўнiка Беларусi пры Арганiзацыi Аб’яднаных Нацый – першага ў гiсторыi незалежнай Беларусi. Таксама Бураўкін у 1994-1995 гадах быў нaмecнiкaм мiнicтpa кyльтypы і друку Беларусі. У петыцыі выказваецца просьба або перайменаваць адну з вуліц абласнога цэнтра, або назваць імем Генадзя Бураўкіна новую вуліцу
За падтрымку Украіны ўлады арыштавалі на 13 сутак працаўніка «Паліміра»
Суддзя суда Наваполацка Таццяна Хрыпач 27 ліпеня пастанавіла за правядзенне недазволенага ўладамі пікета ў сацыяльных сетках арыштаваць на 13 сутак апаратчыка палімерызацыі цэха №102 ААТ "Нафтан" завода "Палімір" бегуна на доўгія дыстанцыі Андрэя Беразоўскага.
Пакаранне на палітвязняў за злоснае непадпарадкаванне адміністрацыям папраўчых устаноў парушаюць іх правы на свабоду
Крымінальны кодэкс Рэспублікі Беларусь мае арт. 411: "Злоснае непадпарадкаванне патрабаванням адміністрацыі папраўчай установы, якая выконвае пакаранне ў выглядзе пазбаўлення волі, караюцца пазбаўленнем волі на тэрмін да аднаго года". Але ёсць юрыдычныя падставы для таго каб яго трэба выключыць з крымінальнага закона, бо прыцягненне да адказнасці па арт. 411 парушае права чалавека на асабістую свабоду і права не быць судзімым або пакараным двойчы.