Жыхары віцебскага мікрараёну Тарны прасілі ў гарадзкіх уладаў заплянаваць у бюджэце на 2018 год сродкі на будаўніцтва ў пасёлку спартовай пляцоўкі. Адміністрацыя Першамайскага раёну Віцебску ў адказе на калектыўны зварот спаслалася на пастанову Міністэрства ЖКГ ад 2005 году і паведаміла, што набыцьцё абсталяваньня для пляцоўкі сёлета не прадугледжанае.

Андрэй Мельнікаў ня змог трапіць на футбольны матч. У дзень адкрыцьця футбольнага сэзону бард вырашыў далучыцца да фанатаў “Воршы”, якія пачыналі свой праход да стадыёну ад Гарадзішча. Там ён засьпяваў для прыхільнікаў мясцовых заўзятараў песьню “Ворша”.