Віцябляне патрабуюць спыніць марнаваньне мільёнаў рублёў на агароджы і дошку гонару
Пэтыцыя з патрабаваньнем адмовіцца ад немэтазгодных выдаткаў з гарадзкога бюджэту на працы, якія каштуюць мільёны рублёў, будзе накіраваная 21 красавіка ў Віцебскі гарвыканкам і гарадзкі Савет дэпутатаў. Зварот падпісалі больш за 300 віцяблян.
Полацкія ўлады адказалі на пэтыцыю супраць будаўніцтва кадэцкай вучэльні каля Сафіі
На патрабаваньне спыніць будоўлю кадэцкай вучэльні каля Сафійскага сабору на Верхнім Замку ў Полацку, мясцовыя ўлады адказалі, што працы «праводзяцца ў межах існага заканадаўства аб ахове гісторыка-культурнай спадчыны і Кодэксу аб культуры». Сьцьвярджаюць, што вядзецца археалягічнае назіраньне, а мэханічная вібрацыя – пад кантролем.
Сваякі зьняволеных просяць спрасьціць перадачу лекаў у калёніі і турмы
«Улічваючы, што дагэтуль ня вынайдзеныя эфэктыўныя лекі ад каронавірусу, а лячэньне праводзіцца як пры ВРВІ, просім спрасьціць працэдуру перадачы лекавых сродкаў у месцы пазбаўленьня волі», – гаворыцца ў пэтыцыі, апублікаванай на сайце «Зручны горад».
За будаўнічыя працы каля полацкай Сафіі адказвае ўпраўленьне адукацыі?..
Пэтыцыю з патрабаваньнем спыніць будаўніцтва кадэцкай вучэльні на тэрыторыі Верхняга замку ў Полацку, якую адправілі ў Адміністрацыю прэзыдэнта і Савет Міністраў, была перанакіраваная ў Віцебскі аблвыканкам. Разглядаць яе будуць у галоўным ўпраўленьні адукацыі. Гэта вынікае з афіцыйных адказаў, якія атрымалі аўтары электроннага звароту.
Выставілі патрабаваньне: спыніць будаўніцтва кадэцкай вучэльні каля полацкай Сафіі
На інтэрнэт-пляцоўцы «Зручны горад» зьявілася пэтыцыя з патрабаваньнем спыніць усе будаўнічыя працы на полацкім Верхнім замку, дзе ў сьнежні 2019 году пачалі руйнаваць былы шпітальны гарадок, каб на ягоным месцы узьвесьці карпусы кадэцкай вучэльні. Аўтары пэтыцыі лічаць, што гэтыя працы зьнішчаюць культурныя напластаваньні і нясуць пагрозу самому Сафійскаму сабору.
У інтэрнэце зьбіраюць подпісы за адмену канцэрту Віктара Каліны ў Докшыцах
Пэтыцыя з патрабаваньнем адмяніць канцэрт расейскага сьпевака Віктара Каліны ў Докшыцах, заплянаваны на 16 лютага, апублікаваная на сайце «Зручны горад». За некалькі дзён пад зваротам падпісаліся больш за паўтысячы грамадзян. Пэтыцыя будзе накіраваная ў Докшыцкі райвыканкам.
Віцебскі райвыканкам адказаў на просьбу пераназваць вуліцу Савецкую ў Вялікіх Лётцах
Віцебскі райвыканкам адказаў на зварот прадпрымальніка Максіма Жукава, які прасіў перайменаваць вуліцу Савецкую ў Вялікіх Лётцах і надаць ёй імя славутага батаніка Адамава. У адказе сьцвярджаецца, што райвыканкам некампэтэнтны ў гэтым пытаньні – трэба зьвяртацца да дэпутатаў…
Максім Жукаў просіць надаць імя Адамава вуліцы Савецкай у Вялікіх Лётцах
Уладальнік сядзібы батаніка Адамава Максім Жукаў прапануе пераназваць вуліцу Савецкую ў Вялікіх Лётцах у вуліцу Ўладзімера Адамава. Электронная пэтыцыя з просьбай аб перайменаваньні зьявілася 4 лістапада на пляцоўцы «Зручны горад». Электронны зварот будзе накіраваны ў Віцебскі райвыканкам.
Аршанцы атрымалі адказ на пэтыцыю супраць будаўніцтва царквы ў Задняпроўі
Аршанскі райвыканкам адказаў на электронны зварот жыхароў Воршы, у якім яны патрабавалі забараніць будаўніцтва ў горадзе праваслаўнай царквы на вуліцы Язэпа Драздовіча ў Задняпроўі. “Колькасьць праваслаўных храмаў, неабходных для правядзеньня набажэнстваў, вызначае Царква без умяшаньня дзяржавы…” – гаворыцца ў адказе.
Мінкульт патрабуе прыняць меры па факце ўстаноўкі каменя з гербом Расейскай імпэрыі ў Відзах
Міністэрства культуры накіравала лісты ў Браслаўскі райвыканкам і Віцебскі аблвыканкам з патрабаваньнем прыняць меры па факце незаконнага ўсталяваньня ў Відзах Браслаўскага раёну памятнага каменя з гербом Расейскай імпэрыі. Пра гэта паведамляецца ў адказе міністэрства на пэтыцыю з просьбай дэмантаваць памятны знак з гербом іншай дзяржавы.