22 снежня ў Віцебску праходзіць беларуска-расейскі форум «Новыя медыя ў эпоху лічбавізацыі». Імпрэзу ладзяць Віцебскі абласны выканаўчы камітэт сумесна са Смаленскай абласной арганізацыяй «Расейскі саюз моладзі». Стала вядома, што форум часткова фінансуецца з гранту прэзідэнта Расейскай Федэрацыі Уладзіміра Пуціна.

27-28 лістапада ў Кіеве адбылася сустрэча прадстаўнікоў беларускіх і ўкраінскіх праваабарончых арганізацый. На форуме былі выпрацаваныя прынцыпы камунікацыі праваабаронцаў дзвюх краін, знойдзеныя аптымальныя спосабы павышэння эфектыўнасці адстойвання правоў і свабод чалавека ў Беларусі, абмеркаваныя планы ўзаемадзеяння з міжнароднымі праваабарончымі арганізацыямі і інстытутамі.