Праваабарончы цэнтр «Вясна» падрыхтаваў і запусціў у публічную прастору Аналітычны агляд пра стан з правамі чалавека ў Беларусі ў 2021 годзе. Праваабаронцы далі адзнаку парушэнням грамадскіх і палітычных правоў і свабод у краіне, адзначылі негатыўныя тэндэнцыі, якія мелі быць летась. Частка інфармацыі, выкладзенай у дакладзе, тычыцца і Віцебскага рэгіёну.

Выйшла з друку «Шэрая кніга», у якой падаецца хроніка парушэнняў правоў чалавека ў Віцебскім рэгіёне са студзеня па снежань 2020 году. Аб’ём кнігі складае 157 старонак, на якіх распавядаецца пра 185 выпадкаў парушэння ўладамі правоў жыхароў вобласці. Аўтары выдання падрыхтавалі таксама электронную версію кнігі, якую размясцілі ў інтэрнэце (спампаваць можна тут), так што азнаёміцца з яе зместам і пры жаданні надрукаваць можа кожны ахвотны.

Штогод 10 снежня мы адзначаем прыняцце ў 1948 годзе Усеагульнай дэкларацыі правоў чалавека. Тэма гэтага года "Зніжэнне няроўнасці, прасоўванне правоў чалавека" асабліва важная, паколькі пандэмія і яе сацыяльна-эканамічныя наступствы аказваюць усё больш негатыўнае ўздзеянне на правы чалавека, дэмакратыю і вяршэнства права, у тым ліку на грамадзянскую прастору. Яны яшчэ больш пагаршаюць няроўнасць, якая існавала раней, узмацняюць ціск на асоб, якія знаходзяцца ва ўразлівым становішчы, і кідаюць выклік правам чалавека ва ўсім свеце.

Праваабаронца Павел Левінаў 7 кастрычніка звярнуўся ў Міністэрства ўнутраных спраў Рэспублікі Беларусь з заявай аб абвяшчэнні ў вышук асуджанага да вышэйшай меры пакарання Віктара Паўлава. Па даверанасці блізкай сваячкі, праваабаронца абараняе інтарэсы асуджанага да расстрэлу ў Камітэце ААН па правах чалавека. Павел Левінаў мяркуе, што прысуджаны да расстрэлу мог знікнуць без вестак.

26 жніўня 2021 Камітэтам ААН па правах чалавека пад нумарам 4000/2021 была зарэгістраваная скарга Наталлі Трошчанкі. Грамадзянская актывістка мяркуе, што беларуская дзяржава парушыла яе правы на свабоду слова і мірныя сходы.

У жніўні 2021 году сябра праваабарончай арганізацыі «Беларускі Хельсінкскі Камітэт» (БХК) Ірына Траццякова накіравала індывідуальнае паведамленне ў Камітэт ААН па правах чалавека. Яна лічыць, што беларуская дзяржава парушыла яе правы на свабоду слова і мірныя сходы, а таксама права на справядлівы разбор яе справы кампетэнтным, незалежным і бесстароннім судом.

Напачатку жніўня 2021 году Камітэт ААН па правах чалавека зарэгістраваў пад нумарам 3991/2021 індывідуальную скаргу Таццяны Севярынец. Грамадзянская актывістка лічыць, што беларуская дзяржава парушыла яе правы: на свабоднае выказванне свайго меркавання і на ўдзел у мірным сходзе.

10 сьнежня міжнародная супольнасьць адзначае 71-ю гадавіну прыняцьця Ўсеагульнай дэклярацыі правоў чалавека. У Беларусі правы чалавека дагэтуль ня сталі ўнівэрсальнай каштоўнасьцю. Пра тое, што замінае гэтаму і што рабіць беларусу ў сёньняшніх умовах, разважае найстарэйшы віцебскі апазыцыянэр Барыс Хамайда.

Напярэдадні міжнароднага Дня правоў чалавека на «Віцебскай вясьне» зьявіўся шосты выпуск штогодніка «Шэрая кніга. Хроніка парушэньняў правоў чалавека ў Віцебскім рэгіёне». Праваабаронцы прааналізавалі ў выданьні стан правоў чалавека ў Віцебскай вобласьці ў пэрыяд ад верасьня 2018-га да жніўня 2019 году.

Супрацоўнік «Офісу па правах людзей з інваліднасьцю» праваабаронца Міхаіл Мацкевіч расказаў у Віцебску пра правы меншасьцяў і ўладу большасьці. Як з гэтым у Беларусі і ва ўсім сьвеце? І – «што ня так?..» Сустрэча з праваабаронцам адбылася 8 сьнежня ў межах праекту «ОГО».