Царква пракамэнтавала ўдзел віцебскага сьвятара ў прарасейскай палітычнай імпрэзе
Як паведамлялася, нядаўна арганізатар «Рускіх маршаў» і кандыдат у прэзыдэнты Расеі Аляксандр Бабурын стварыў у Беларусі палітычны рух для «паскарэньня інтэграцыі». Удзел у сумнеўным мерапрыемстве ўзялі прадстаўнікі ЛДПБ, «Гавары праўду», камуністы і шэраг чарнасоценных арганізацыяў накшталт «Румола». Адметна, што ўдзельнічалі і прадстаўнікі віцебскага праваслаўнага духавенства.
Біць у званы – адказная справа. У віцебскім храме прайшоў майстар-кляс па перазвоне
20 траўня ва Ўсьпенскім саборы Віцебску ў межах акцыі «Белая кветка» прайшоў бясплатны майстар-кляс па перазвоне. Сама акцыя насіла дабрачынны характар. Усе грошы, атрыманыя ад продажу вырабаў ручной працы, павінны пайсьці на дапамогу цяжкахворым дзецям. Узяць удзел у акцыі і майстар-клясе мог кожны ахвотны.
У Віцебску вынесены прысуд праваслаўнаму сьвятару, абвінавачанаму ў сутэнёрстве
Суд Чыгуначнага раёну Віцебску 14 лістапада абвясьціў вырак паводле крымінальнай справы «бацюшкі-сутэнёра» – 39-гадовага сьвятара Мікалая Кірэева зь Ленінградскай вобласьці (Расея), якога затрымалі ў кампаніі жанчын лёгкіх паводзінаў на вакзале ў беларускім горадзе. Яму прызначылі пакараньне ў выглядзе 5 гадоў 6 месяцаў пазбаўленьня волі ў калёніі ўзмоцненага рэжыму з канфіскацыяй маёмасьці.
СК: Расейскі бацюшка вэрбаваў у Віцебску дзяўчат для прастытуцыі
Віцебскі гарадзкі аддзел Сьледчага камітэту завяршыў расьсьледаваньне крымінальнай справы адносна жыхара Ленінградзкай вобласьці Расеі. Яго абвінавачваюць у «злачынствах супраць полавай свабоды». Матэрыялы крымінальнай справы перададзеныя пракурору для накіраваньня ў суд.
Гэта было не ў прытоне: СК паведаміў падрабязнасьці затрыманьня ў Віцебску «сьвятара-сутэнёра»
Сьледчы камітэт раскрыў падрабязнасьці затрыманьня ў Віцебску праваслаўнага сьвятара аднаго з храмаў Ленінградзкай вобласьці (Расея). Паводле інфармацыі СК сьвятара затрымалі на аўтавакзале, а не ў прытоне.
Віцяблянка паверыла расейскаму TV: змарнавала $120 000 і ледзь ня скончыла самагубствам
«Я прайшла праз усё гэтае пекла. І вырвалася. Цяпер хачу перасьцерагчы іншых, каб не траплялі ў сеціва махляроў», – кажа Людміла Германава. Жанчына стала ахвярай расейскіх тэлеэкстрасэнсаў – пералічыла ім 120 тысяч даляраў. Цяпер у пазыках, прадае кватэру і машыну, каб разьлічыцца зь людзьмі.
У Віцебску ўспомнілі ахвяраў і герояў Чарнобылю: афіцыйна і нефармальна (фота)
Сягоньня, у 31-ю гадавіну трагедыі, жалобны мітынг-рэквіем, як і летась, прайшоў а 18 гадзіне ў сьценах Сьвята-Ўсьпенскага катэдральнага сабору Віцебску. Пасьля афіцыйнага мітынгу ліквідатары наступстваў аварыі на Чарнобыльскай АЭС і прадстаўнікі грамадзкасьці гораду па штогадовай завядзёнцы спусьцілі ў Дзьвіну памінальны вянок.
Ці зьяўляюцца публікацыі віцебскага дзяка ў сеціве экстрэмісцкімі? – Адказ дасьць экспэртыза
Віцебскі праваабаронца Леанід Сьвецік зьвярнуўся ў Міністэрства інфармацыі са скаргай на сайт mogilev.by, дзе часам публікуюцца і артыкулы, зьвязаныя зь Віцебскам. У выніку рэспубліканская экспэртная камісія правядзе экспэртызу сайту на прадмет наяўнасьці (адсутнасьці) у ім прыкметаў праяваў экстрэмізму.
Акцыя ў Наваполацку: сотні белых балёнікаў у памяць пра ненароджаных дзяцей
11 студзеня Праваслаўная царква ўспамінае 14 тысяч немаўлятаў, забітых у Бэтлееме. У Дзень памяці Бэтлеемскіх немаўлятаў у Наваполацку правялі акцыю ў абарону жыцьця і сямейных каштоўнасьцяў. На цэнтральнай плошчы перад будынкам гарвыканкаму адбыўся малебен за ненароджаных дзяцей.
385-годзьдзе выданьня «Буквара» Сьпірыдона Собаля адзначылі ў Віцебску
У Віцебску на базе абласной бібліятэкі адбылася II Міжнародная навукова-практычная канфэрэнцыя «Віцебскі край», якая сёлета была прысьвечаная 385-годзьдзю выхаду «Буквара» Сьпірыдона Собаля. Удзельнікамі сталі гісторыкі, краязнаўцы, работнікі ВНУ, музэяў, бібліятэк. Увогуле было зарэгістравана больш за 70 заявак зь Беларусі, Расеі і Латвіі.