«Витебские вести» надрукавалі зняважлівы артыкул пра палітвязня Аляксандра Патапава
Цягам гэтага году абласная дзяржаўная газета перыядычна размяшчала артыкулы, дзе ў ананімных героях няцяжка пазнаць мясцовых палітзняволеных. Аўтар у гэтых артыкулаў адзін і той самы, журналіст Яўгеній Карпас, які піша матэрыялы паводле інфармацыі з пракуратуры па палітычных справах. Ягоныя тэксты вызначаюцца падкрэслена грэблівымі інтанацыямі, калі вядзецца пра нязгодных з тым, што робіцца ў Беларусі, асабліва пасля падзей 2020г. Ананімным героем апошняга артыкула супрацоўнік дзяржаўнай газеты зрабіў палітвязня Аляксандра Патапава – 68-гадовага ўкраінца, які даўно жыве на Віцебшчыне.
Палітзняволеная Ірына Паляніна з Паставаў выйшла на волю
Жанчына адбыла 2 гады ў калоніі агульнага рэжыму. У красавіку 2021 г. яе асудзілі паводле арт. 369 Крымінальнага кодэкса (Абраза прадстаўніка ўлады) і арт. 295 Крымінальнага кодэкса (Незаконныя дзеянні ў дачыненні да агнястрэльнай зброі, боепрыпасаў і выбуховых рэчываў). Суд над Ірынай Палянінай запомніўся сутнасцю абвінавачання паводле другога артыкула: падчас агляду жытла ў яе знайшлі некалькі патронаў, што засталіся ад бацькі. У заяве пра прызнанне Палянінай палітзняволенай праваабаронцы звярнулі ўвагу на празмернасць пакарання ў параўнанні з іншымі абвінавачанымі па такім самым артыкуле і патлумачылі гэта наяўнасцю іншага, «палітычнага» артыкула 369.
У Віктара Бабарыкі пагоршалі ўмовы працы ў наваполацкай калоніі
Экс-банкіру і палітвязню Віктару Бабарыку прызначылі новую працу ў ПК-1. Цяпер ён выпальвае драўняны вугаль, паведамляе Telegram-канал «Виктор Бабарико». Гэта значыць, што палітзняволены вымушаны ў халодную пару году працаваць на вуліцы цягам 9 гадзінаў штодня за адзіным выходным на тыдні. Варта заўважыць, што ягоная мінулая праца была ўнутры памяшкання без вентыляцыі пры тэмпературы +30 градусаў – у такіх умовах ён працаваў укладчыкам хлебабулачных вырабаў у пякарні.
Цэнзар у віцебскім СІЗА -2 не ведае беларускай мовы, а просіць не карыстацца ёй у лістах
Пра такі выпадак стала вядома ў дачыненні да палітвязня Анатоля Латушкі, якому «настойліва раяць» не пісаць лісты па-беларуску, бо цэнзар не вывучала беларускую мову і зусім яе не разумее. Праз гэта лісты на дзяржаўнай мове не даходзяць да палітзняволенага, але ён прынцыпова працягвае ліставанне па-беларуску.
Пачалі судзіць кіраўніка аршанскага незалежнага прафсаюза
У Менскім гарадскім судзе 25 лістапада паччаўся судовы працэс над актывістам беларускіх незалежных прафсаюзаў, палітвязнем Васілём Берасневым. Яго Іх абвінавачваюць ў закліках да мер абмежавальнага характару, накіраваных на прычыненне шкоды нацыянальнай бяспецы Рэспублікі Беларусь (ч. 3 арт. 361 КК), распальванні іншай сацыяльнай варожасці (ч. 3 арт. 130 КК), стварэнні экстрэмісцкага фарміравання альбо ўдзеле ў ім (ч.1 і ч. 3 арт. 361-1 КК). Справу разглядае сумна вядомая сваімі прысудамі суддзя Анастасія Папко.
Выдадзены каляндар з малюнкамі палітвязня Паўла Севярынца
Каляндар з малюнкамі, зробленымі за кратамі, выдадзены дзякуючы высілкам жонкі палітзняволенага, Вольгі Севярынец. Ён называецца «Беларусь – гэта святое». У календары змешчаныя цытаты на кожны месяц, малюнкі вядомых беларускіх храмаў Гародні, Нясвіжа, Мінска, Сынкавічаў, Мураванкі, Паставаў, Магілёва, Сарʼі, Слабодкі, Сталовічаў, Берасця і каляндарная сетка па месяцах. На кожны месяц прадугледжаны новы малюнак і новая цытата.
У Віцебску за абразу кіраўніка дзяржавы будуць судзіць пенсіянера
У судзе Віцебскага раёна 10 лістапада суддзя Наталля Траццякова павінна пачаць разгляд крымінальнай справы ў дачыненні да 68-гадовага жыхара в. Хатоля Віцебскага раёна палітвязня Аляксандра Патапава. Следства і пракуратура сышліся на тым, што Аляксандр здзейсніў злачынную дзею, якая падпадае пад усе прыкметы злачынства, у рамка ч.1 арт. 368 (Абраза Прэзідэнта Рэспублікі Беларусь) КК РБ. Пачатак судовага пасяджэння прызначаны на 14-30, але разгляд справы будзе адбывацца ў закрытым для публікі рэжыме.
Хутка пачнецца суд над палітзняволенай Эмай Сцяпулёнак
Працэс прызначаны на 10 лістапада і пройдзе ў памяшканні суда Міёрскага раёна. Яго ў 11-30 пачне старшыня суда суддзя Ірына Яскевіч і правядзе ўсе паседжанні ў закрытым рэжыме. Следства і пракуратура лічаць, што Эма Антонаўна здзейсніла злачынствы, у рамках ч. 1 арт. 368 (Абраза Прэзідэнта Рэспублікі Беларусь) і арт. 369 (Абраза прадстаўніка ўлады) КК РБ.
Палітвязень з Пастаўшчыны Андрэй Новікаў адбыў тэрмін пакарання, але яго адразу перадалі расейскай ФСБ
Андрэй Новікаў выйшаў на волю з бабруйскай ПК № 2 31-га кастрычніка 2022 г. Але дахаты не прыехаў – яго забралі супрацоўнікі расейскай ФСБ. Ён быў асуджаны да двух з паловай гадоў зняволення паводле арт. 342 Крымінальнага Кодэкса (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх) і арт. 371 Крымінальнага Кодэкса (Незаконнае перасячэнне дзяржаўнай мяжы Рэспублікі Беларусь). Пасля затрымання па першым артыкуле яго вывезлі за беларускую мяжу і зрабілі «неўяўздным».
Мікалай Статкевіч з-за кратаў павіншаваў Алеся Бяляцкага з Нобелеўскай прэміяй міру
Пра гэта паводле лістоў з глыбоцкай калоніі распавяла Марына Адамовіч, жонка зняволенага палітыка і палітвязня. Таксама яна мяркуе, што Мікалая Статкевіча маглі чарговы раз кінуць у ШІЗА, бо ў нядаўнім лісце да жонкі палітвязень напісаў пра выклік на камісію за чарговыя «парушэнні». Таму Марына Адамовіч мяркуе, што ён зноў у штрафным ізалятары.