23 верасня ў эканамічным судзе Віцебскай вобласці мелася адбыцца чарговае пасяджэнне аб банкруцтве буйнога дзяржаўнага прадпрыемства «Сцяг Індустрыялізацыі». Аднак суд адмянілі. Паводле сакратаркі суддзі Піскуновіч, заяўнік – «Беларусбанк», напярэдадні раніцай адклікаў свой пазоў з патрабаваннем прызнаць «швачнага гіганта» банкрутам.

Дзяржаўны орган выканаўчай улады прыпыніў з 1 сакавіка апэрацыі па банкаўскім рахунку Свабоднага прафсаюзу работнікаў ААТ «Полацак-Шкловалакно». Прафсаюз падаў скаргу ў пракуратуру, бо лічыць гэта парушэньнем беларускага заканадаўства. «Супрацьдзеяньне дзяржаўных органаў ня можа прыпыніць дзейнасьць свабоднага прафсаюзу», - заяўляюць прафсаюзныя лідэры.

У Полацку сталі затрымліваць выплату пэнсіяў на карт-рахункі банкаў. Так, Прыёрбанк затрымаў выплату пенсіі на два дні. Пэнсіянеры, якія атрымлівалі пэнсію 7-га чысла, у жніўні атрымалі толькі 9-га. Работнікі банку кажуць, што полацкая Ўправа па працы, занятасцi i сацыяльнай абароне не падала сьпісаў на выплату пэнсіяў.