Былы дырэктар ААТ «ВІЗАС» прызнаны вінаватым у крадзяжах, злоўжываньні службовымі паўнамоцтвамі і нявыплаце алімэнтаў на траіх дзяцей. Пяць з паловай гадоў ён правядзе ў калёніі ва ўмовах узмоцненага рэжыму, паведамляюць «Народныя навіны Віцебску».

Віцебскага актывіста незарэгістраванай партыі “Белая Русь” Сяргея Рыжова 29 студзеня выклікаюць у суд Першамайскага раёну Віцебску. Паводле слоў Рыжова, супраць яго распачатая справа за ўхіленьне ад выплаты алімэнтаў для непаўнагадовай дачкі, хоць ужо зь лютага мінулага году ён застаецца беспрацоўным і нават страціў сацыяльную дапамогу па беспрацоўі.