Асноўная частка працоўных мігрантаў у Віцебску прадстаўленая грамадзянамі Ўкраіны, якія занятыя ў сельскай гаспадарцы, КНР і Латвіі - будаўнічая і лесанарыхтоўчая галіны адпаведна, паведаміла газэце “Витебские вести” начальніца аддзяленьня па грамадзянстве і міграцыі Чыгуначнага раёну Віцебску Тацьцяна Феакцістава.

Судзьдзя суду Чыгуначнага раёну Віцебска Алена Цыганкова спыніла адміністрацыйную справу ў дачыненьні да Аляксандра Кірылава. Яна ня ўгледзела складу правапарушэньня ў дзеяньнях віцебскага палітычнага актывіста, прадугледжанага арт. 9.2 (Паклёп) Кодэксу Рэспублікі Беларусь аб адміністрацыйных правапарушэньнях.

У судзе Чыгуначнага раёну Віцебску разглядаецца пазоў Рэспубліканскага шпіталя спэлеалячэньня, які знаходзіцца ў Салігорску, супраць Аляксандра Кірылава аб паклёпе на гэтую мэдустанову. Кірылаў, які называе сябе функцыянэрам незарэгістраванай партыі «Белая Русь», у верасьні лячыўся ў спэлеалячэбніцы ад бранхіяльнай астмы. Канфлікт з пэрсаналам у хворага ўзьнік пасьля таго, як ён пачаў скардзіцца на парушэньне правілаў унутранага распарадку і неаказаньне пацыентам на бясплатнай аснове мэдычных паслуг.

Віцебскія сябры Кансэрватыўна-хрысьціянскай партыі БНФ хацелі публічна адсьвяткаваць юбілей партыі. Дзеля гэтага яны падалі заяўку ў адміністрацыю Чыгуначнага раёну на пікет. Акцыя мусіла адбыцца 18 кастрычніка ў месцы, адмыслова адведзеным уладамі пад масавыя мерапрыемствы – у парку чыгуначнікаў, тым ня менш намесьніца кіраўніка раённай адміністрацыі Натальля Ляпёшкіна акцыю забараніла.

Намесьніца кіраўніка адміністрацыі Чыгуначнага раёну Віцебску Натальля Ляпёшкіна забараніла пікет, які праваабаронцы меркавалі зладзіць 19 кастрычніка. Яны хацелі абмеркаваць з жыхарамі гораду праблемы, зьвязаныя з наяўнасьцю і ўжываньнем сьмяротнага пакараньня ў Беларусі. Прычына забароны акцыі – адсутнасьць у яе арганізатараў дамоваў з ЖКГ, міліцыяй і мэдыкамі на яе абслугоўваньне.

Валер Місьнікаў, прававы інспэктар прафсаюзу работнікаў радыёэлектроннай прамысловасьці па Віцебскай вобласьці, атрымаў адмову на сваю заяўку на правядзеньне пікету, прысьвечанага сацыяльным праблемам працоўных. Забараніла акцыю Адміністрацыя Чыгуначнага раёну Віцебску.

Прававы інспэктар прафсаюзу работнікаў радыёэлектроннай прамысловасьці па Віцебскай вобласьці Валер Місьнікаў накіраваў у адміністрацыю Чыгуначнага раёну абласнога цэнтру заяўку на правядзеньня пікету. У ёй возьме удзел адзін чалавек. Акцыя павінна адбыцца 8 верасьня ў Парку культуры і адпачынку чыгуначнікаў – месцы, адмыслова вызначаным уладамі для правядзеньня масавых мерапрыемстваў.

Намесьніца кіраўніка адміністрацыі Чыгуначнага раёну Віцебску Натальля Ляпёшкіна забараніла партыі БНФ правядзеньне мітынгу, прымеркаванага да 27-х угодкаў аварыі на Чарнобыльскай АЭС. Заяўку на правядзеньне мерапрыемства падаваў кіраўнік абласной партыйнай арганізацыі Леанід Аўтухоў.

Старшыня віцебскай абласной арганізацыі партыі БНФ Леанід Аўтухоў накіраваў у адміністрацыю Чыгуначнага раёну Віцебску заяўку на правядзеньне 26 красавіка мітынгу. Мітынг будзе прымеркаваны да 27-й гадавіны катастрофы на Чарнобыльскай АЭС, у выніку якой пацярпелі мільёны беларусаў. Меркаванае масавае мерапрыемства таксама мусіць стацца акцыяй пратэсту супраць будаўніцтва ядзерных аб’ектаў на тэрыторыі Беларусі.