Удзельнікаў стрымаў блогера Сяргея Ціханоўскага, якія праходзілі на Віцебшчыне, абвінавацілі ў парушэньні заканадаўства пра масавыя мерапрыемствы. Суды праходзілі патаемна: сябрам і нават сваякам рэдка калі ўдавалася трапіць на працэсы, піша Беларускае Радыё Рацыя.

Супрацоўнікі аддзяленьня наркакантролю і супрацьдзеяньня гандлю людзьмі затрымалі 24 лютага ў Наваполацку двух кіроўцаў таксі. Іх падазраюць у незаконным абарачэньні наркатычных сродкаў, інфармуе прэс-служба УУС Віцебскага аблвыканкаму.

У Полацку і Наваполацку праходзяць суды над удзельнікамі акцыі за незалежнасьць Беларусі. 4-га студзеня паўтара дзясятка актывістаў сфатаграфаваліся каля Сафійскага сабору, склаўшы з раздрукаваных на паперы літар слова «Незалежнасьць». Некалькі чалавек трымалі бел-чырвона-белыя сьцягі, паведамляе Беларускае Радыё Рацыя.

Віцебскі абласны суд 30 жніўня скончыў разгляд крымінальнай справы ў дачыненьні жыхара Наваполацку К., які на пачатку 2019 году з асаблівай лютасьцю забіў сваю маці (ч.2 арт.139 КК.). Мужчыну прысудзілі да 15 гадоў пазбаўленьня волі.

32-гадовы жыхар Наваполацку абвінавачваецца ў забойстве з асаблівай лютасьцю ўласнай маці (ч.2 арт.139 КК). Крымінальная справа перададзеная ў пракуратуру для накіраваньня ў суд, паведамляе прэс-служба УСК па Віцебскай вобласьці.

Міністэрства энэргетыкі адказала на пэтыцыю навапалачан, якія заклікалі спыніць пабудову катла па спальваньні нафтавага коксу на Наваполацкай ЦЭЦ. Мінэнэрга паведамляе, што паінфармавала Савет Міністраў Рэспублікі Беларусь “аб немэтазгоднасьці ў існых умовах далейшых работ па рэалізацыі праекту”.

Наваполацкая школа жаночага лідэрства “Мова жанчын” зладзіла адукацыйную сустрэчу пад назвай “Права жанчыны на права”. У якасьці экспэрта выступіла мясцовая юрыстка Марына Яфімава.

Імпрэза адбылася 20 чэрвеня ў наваполацкім гатэлі “Дружба”. Каб паслухаць лідэраў Беларускага Нацыянальнага Кангрэсу (БНК), прыйшло больш за 60 чалавек. Па словах арганізатараў, яны самі не чакалі, што зьбярэцца столькі народу.

“Патрабуем спыніць працэс праектаваньня і пабудовы катла для спальваньня нафтавага коксу на Наваполацкай ЦЭЦ”, – заклікаюць гараджане ў пэтыцыі на пляцоўцы “Зручны горад”. Аўтары звароту мяркуюць, што пабудова катла “значна павялічыць выкіды шкодных рэчываў у атмасфэрнае паветра”.

Судзьдзя Наваполацкага суду Зінаіда Балаболава аштрафавала 15 траўня віцяблян Алену Шабуню і Вячаслава Лазарава на 637 рублёў кожнага за незаконны выраб і распаўсюд прадукцыі СМІ (ч.2 арт. 22.9 КаАП). Паводле міліцэйскага пратаколу, у лютым 2019 году яны бралі інтэрвію ў жыхароў Наваполацку, якое потым зьявілася ў ток-шоў “Кожны з нас” на тэлеканале “Белсат”.