З віцебскага ІЧУ вызвалілі наваполацкіх актывістаў, затрыманых 17 траўня
20 траўня з ізалятару часовага ўтрымання ў Віцебску вызвалілі Алену Радзькову, Наталлю Рэфенкулаву, Аляксандра Шэлепня. Яны былі затрыманыя ў Полацку і Наваполацку на 72 гадзіны як падазраваныя ў крымінальнай справе па арт. 341 КК («Апаганьванне збудаванняў і псаванне маёмасці») і этапаваныя ў Віцебск. Пазней на волю павінен быў выйсці Артур Сінега.
У Наваполацку затрымалі Алену Радзькову і Артура Сінегу
17 траўня ў Наваполацку былі затрыманыя каля 10 актывістаў, у тым ліку давераная асоба Святланы Ціханоўскай на прэзідэнцкіх выбарах 2020 году Алена Радзькова і актывіст Артур Сінега. Паводле крыніцы, якая пацвердзіла факт затрымання, актывісты дагэтуль застаюцца пад вартай.
«На шпацыр – у кайданках». Як адбываюць «суткі» страйкоўцы з Наваполацку
29 красавіка пасля 20 сутак адміністрацыйнага арышту на волю выйшаў удзельнік стачкі на «Нафтане» Аляксандр Кухаронак. Аднак ў гэты ж дзень, незадоўга да вызвалення Кухаронка, былі затрыманыя чарговыя ўдзельнікі страйку – Ігар Бутоўскі, Віктар Акасевіч і Сяргей Лазарэнка. Наваполацкі рэпрэсіўны канвеер працуе ва ўсю моц…
На «Нафтане» быў затрыманы прафсаюзны лідар БНП Максім Шчуплянкоў
24 красавіка пасля начной змены на прахадной наваполацкага заводу «Нафтан» быў затрыманы намеснік старшыні першаснай арганізацыі працаўнікоў прадпрыемства Беларускага незалежнага прафсаюзу (БНП) Максім Шчуплянкоў. Пра гэта паведамілі сябры прафсаюзу на старонцы ў Фэйсбуку «Стачком ОАО «Нафтан».
Да стачкі на «Нафтане» далучыўся яшчэ адзін супрацоўнік – Сяргей Плігаўка
Відэазварот Сяргея Плігаўкі з'явіўся на афіцыйнай старонцы страйкавага камітэту ААТ «Нафтан» у сацыяльнай сетцы «Фэйсбук» 16 красавіка. У ім супрацоўнік нафтаперапрацоўчага заводу абвясціў, што сыходзіць у стачку аж да выканання ягоных патрабаванняў. На «Нафтане» Плігаўка адпрацаваў 23 гады.
Удзельніка страйку на «Нафтане» Аляксандра Кухаронка асудзілі на 20 сутак арышту
12 красавіка ў Наваполацку адбыўся суд над удзельнікам стачкі на прадпрыемстве «Нафтан» Аляксандрам Кухаронкам. Нагодай для завядзення справы паводле ч.3 арт. 24.23 КаАП стала відэа, знятае страйкоўцамі ў падтрымку галасавання на пляцоўцы «Голас». Да суду мужчына правёў трое сутак у мясцовым ізалятары.
У Наваполацку затрыманы яшчэ адзін удзельнік страйку на «Нафтане» – Аляксандр Сакалоў
У Наваполацку затрымалі яшчэ аднаго ўдзельніка стачкі на прадпрыемстве «Нафтан» Аляксандра Сакалова. Пра гэта паведаміў стачкам на сваёй старонцы ў «Фэйсбуку». Паведамляецца, што ён быў затрыманы па справе відэароліка, знятага ў падтрымку галасавання на платформе «Голас». Навапалачаніна, як і іншых затрыманых, вінавацяць ва ўдзеле ў несанкцыянаваным пікетаванні (арт. 24.34 КаАП).
«Дзяржаўнае прадпрыемства – тая ж турма». Навапалачанка Вінакурава далучылася да страйку
На наваполацкім «Паліміры» Алена Вінакурава адпрацавала 31 год, у апошні час – кантралёрам якасці ў цэху 604. 29-га сакавіка яна вымушана прапусціла працу: у той дзень яе судзілі за нібыта несанкцыянаваны адзіночны пікет. Але адміністрацыя прадпрыемства не палічыла гэта важкай прычынай – жанчыне паставілі прагул, перадае Беларускае Радыё Рацыя.
Маці купіла кветкі павіншаваць дачку – і апынулася за кратамі
27 сакавіка жыхарка Наваполацку Алена Вінакурава набыла букет, каб павіншаваць сваю дачку Кацярыну з днём народзінаў. Кветкі хацела аднесці дачцэ на працу, але па дарозе была затрыманая супрацоўнікамі МУС і пасля складання пратаколу кінутая ў мясцовы цэнтр ізаляцыі правапарушальнікаў (ЦІП), перадае Беларускае Радыё Рацыя.
Затрымліваюць сябраў стачкаму ААТ «Нафтан»
23 студзеня ў Наваполацку падчас трэніроўкі ў спартовым клубе «Форвард» быў затрыманы ўдзельнік стачкі ААТ «Нафтан» Сяргей Лапуноў, паведаміла старонка «Стачкам ААТ «Нафтан» у Фэйсбуку. Паляванне на страйкоўцаў працягнулася і 24 сакавіка.