Пра адмоўнае рашэньне гарадзкіх уладаў наконт заяўленай імпрэзы на сваёй старонцы ў Фэйсбуку паведаміў Кастусь Смолікаў, кіраўнік абласной арганізацыі партыі БНФ. Вулічны фэстываль «Дзень незалежнасьці» мусіў адбыцца 27 ліпеня на цэнтральных пешаходных вуліцах Віцебску – Талстога, Крылова і Суворава, а таксама ў парку Партызанскай славы імя Міная Шмырова.

Грамадзяне плянуюць адзначыць Дзень Волі і 100-годзьдзе БНР у Віцебску на сьвяточным мітынгу-канцэрце. Заяву з просьбай аб дазволе на правядзеньне сьвяточнага мерапрыемства падалі ў адміністрацыю Чыгуначнага раёну Віцебску прадстаўнікі Віцебскай абласной арганізацыі партыі БНФ.

На сёлетніх выбарах юрыст Аляксей Гаўруцікаў вылучаецца кандыдатам у дэпутаты ў Віцебскі абласны і Віцебскі гарадзкі саветы ад партыі БНФ пры падтрымцы руху “За свабоду”. З красавіка 1990 па кастрычнік 1997 году ён ужо быў дэпутатам Віцебскага гарадзкога савету і мае багаты досьвед працы.

Ужо стала добрай традыцыяй напярэдадні чарговых выбараў праводзіць у горадзе над Дзьвіной трэнінгі для назіральнікаў. Ня стала выключэньнем і сёлетняя выбарчая кампанія.

Заўважнай адметнасьцю сёлетніх перадвыбарчых апазыцыйных пікетаў у Віцебску стала абавязковая прысутнасьць на іх супрацоўнікаў спэцслужбаў, якія вядуць непрыхаваную відэафіксацыю.

Раённыя адміністрацыі Віцебску завяршылі фармаваньне складаў участковых камісій па выбарах дэпутатаў гарадзкога Савету дэпутатаў дваццаць восьмага скліканьня. Неўзабаве камісіі пачнуць працаваць, а зарэгістраваныя кандыдаты ў дэпутаты зоймуцца агітацыяй.

Прайшоў ужо месяц ад пачатку выбарчай кампаніі па выбарах дэпутатаў у мясцовыя заканадаўчыя органы ўлады. Таму можна падвесьці прамежкавыя вынікі і даць агульную карціну бягучага моманту падрыхтоўкі да выбараў “слугаў народу” ў Віцебску.

Зварот у Віцебскую гарадзкую пракуратуру Кастуся Смолікава ад імя кіраўніка абласной арганізацыі партыі БНФ ня даў плёну. Ён скардзіўся на незаконнае, на яго погляд, праектаваньне Палацу ўрачыстых абрадаў і шлюбаў і пляны пабудаваць яго ў ахоўнай гістарычнай зоне. Актывіст апазыцыйнай партыі заявіў, што цяпер мае намер зьвярнуцца ў пракуратуру вобласьці.

У віцебскім арт-бары «Торвальд» прайшла імпрэза пад сымбалічнай назвай «Добрая нагода», асноўнай мэтай якой было пазнаёміць паміж сабой актыўных людзей гораду, каб у далейшым яны пачалі сумесную дзейнасьць па рэалізацыі праектаў.

2 лістапада грамадзкія актывісты наведалі могілкі і месцы пахаваньняў у Віцебскім раёне, дзе знайшлі вечны спачын іхныя аднадумцы і грамадзяне, што сталі ахвярамі сталінскага рэжыму. Традыцыю запачаткаваў дзесяць гадоў таму Барыс Хамайда, калі ў першую гадавіну сьмерці свайго сябра, вядомага апазыцыянэра Ўладзімера Плешчанкі наведаў у гэты дзень ягоную магілу.