20 траўня з ізалятару часовага ўтрымання ў Віцебску вызвалілі Алену Радзькову, Наталлю Рэфенкулаву, Аляксандра Шэлепня. Яны былі затрыманыя ў Полацку і Наваполацку на 72 гадзіны як падазраваныя ў крымінальнай справе па арт. 341 КК («Апаганьванне збудаванняў і псаванне маёмасці») і этапаваныя ў Віцебск. Пазней на волю павінен быў выйсці Артур Сінега.

17 траўня ў Наваполацку былі затрыманыя каля 10 актывістаў, у тым ліку давераная асоба Святланы Ціханоўскай на прэзідэнцкіх выбарах 2020 году Алена Радзькова і актывіст Артур Сінега. Паводле крыніцы, якая пацвердзіла факт затрымання, актывісты дагэтуль застаюцца пад вартай.

У Віцебскім абласным судзе 29 ліпеня разглядаліся скаргі актывістаў на пастановы раённых судоў, якія пакаралі іх штрафамі за ўдзел у перадвыбарчых пікетаваньнях (арт. 23.34 КаАП), у тым ліку – у «ланцугу салідарнасьці» ў Віцебску. Скаргі разглядалі судзьдзі Сьвятлана Іванова і Ірына Смалякова. Ніводная скарга не была задаволеная.

Сябра ініцыятыўнай групы Сяргея Чэрачня навапалачанку Алену Радзькову аштрафавалі сёньня на 30 базавых велічынь, прызнаўшы вінаватай ва ўдзеле ў несанкцыянаваным пікетаваньні 28 траўня. У той дзень у Наваполацку прайшлі першыя пікетаваньні для збору подпісаў за прэтэндэнтаў у кандыдаты на прэзыдэнцтва. Алена проста падышла да пікету ініцыятыўнай групы Сьвятланы Ціханоўскай і пастаяла побач…

У панядзелак 2 чэрвеня проста на працоўным месцы міліцыянты затрымалі жыхарку Наваполацку Алену Радзькову. Яе адвезьлі ў аддзяленьне і склалі пратакол за правапарушэньне паводле частцы 3-й артыкулу 23.34. Спадарыню Алену вінавацяць ва ўдзеле ў несанкцыянаваным пікетаваньні. Яна – сябра ініцыятыўнай групы Сяргея Чэрачня. Суд прызначаны на 15 чэрвеня.