Па вынікі за І квартал 2023 года па рабоце рэальнага сектара эканомікі ў Аршанскім раёне істотна пагоршыліся колькасныя і якасныя паказчыкі. Улады прызналіся, што з-за санкцыйнага ціску з боку заходніх урадаў практычна ў 2 разы зменшылася колькасць паставак у краіны Еўразвязу. Таксама з-за санкцый пачаліся перабоі ў пастаўках абсталявання, што надтачыла тэрміны мадэрнізацыю прамысловых прадпрыемстваў горада. У бягучым годзе, паводле самых аптымістычных ацэнак, дэфіцыт раённага бюджэту складзе 12, 2 млн. рублёў.

У красавіку месяцы ўсе выканкамы Віцебскай вобласці прывялі свае ранейшыя рашэнні ў адпаведнасць з палажэннямі закона "Аб змене кодэксаў па пытаннях адміністрацыйнай адказнасці". Закон накіраваны на рэалізацыю Дырэктывы "Аб недапушчальнасці росту цэн" і закліканы забяспечыць абарону інтарэсаў грамадзян, а таксама пастаўку на ўнутраны спажывецкі рынак тавараў па эканамічна абгрунтаваных цэнах.

За тры месяцы гэтага года інвестыцыі ў асноўны капітал склалі 557,5 млн. рублёў, што на 7,3% менш, чым за гэты перыяд у 2022 годзе. Падзенне інвестыцый у рэгіянальную эканоміку, відавочна, звязана з санкцыямі з боку развітых краін Захаду. Таму абласныя ўлады шукаюць магчымасці для прыцягнення інвестыцый з іншых краін свету. Дзеля гэтага ўжо хутка ў Віцебску пройдзе XI Міжнародны эканамічны форум «Інавацыі. Інвестыцыі. Перспектывы».

Камітэт дзяржкантролю Віцебскай вобласці праверыў выкананне зацверджаных яшчэ ў студзені 2021 года мерапрыемстваў па развіцці льняной галіны. Як паведамляе ведамства, у 2022 годзе заданне па валавым зборы льновалакна ў вобласці выканалі толькі на 75 % (тры з шасці льнозаводаў).

У Навапагоскім сельсавеце Мёрскага раёна прайшоў так званы Дзень інфармавання насельніцтва з удзелам старшыні Мёрскага райвыканкама ды іншых чыноўнікаў. Кіраўнік Мёрскага раёна Ігар Кузняцоў на сустрэчы з супрацоўнікамі ААТ "Любінава" распавёў пра праблемы ў сельскай гаспадарцы раёна.

Інвестыцыйную дзейнасць рэгіёнаў прааналізавалі на пасяджэнні Віцебскага аблвыканкама. Сёлета ў Віцебскай вобласці рэалізуюць толькі сем інвестыцыйных праектаў па праграме "Адзін раён - адзін праект", то-бок толькі ў 7 абласных раёнах з 21.

Абласная газета «Витебские вести» днямі надрукавала артыкул «Былыя жыхары Латвіі пераехалi ў Беларусь i не шкадуюць». У ім вядзецца ўсяго пра дзве сям’і, якія пераехалі ў Браслаўскі раён.

Аналіз даных за мінулыя 9 месяцаў бягучага года, апублікаваных на сайце Галоўнага статыстычнага ўпраўлення Віцебскай вобласці, сведчыць аб тым, што рэгіянальная эканоміка знаходзіцца ў глыбокім крызісе. Прычынай крызісных з'яў сталі эканамічныя санкцыі, уведзеныя развітымі краінамі ў дачыненні да Беларусі за саўдзел у вайне ва Украіне і рэпрэсіі, якія праводзяцца ўладамі супраць палітычнай апазіцыі і незалежных СМІ.

Намеснік старшыні Віцебскага аблвыканкама Анжаліка Нікіціна паведаміла СМІ аб тым, што ў цяперашняй сітуацыі прамысловы комплекс найбольш пацярпеў ад санкцыйнага ціску. У цэлым па годзе ўладамі ацэньваецца недабор выручкі па прамысловасці каля 1 мільярда рублёў. Але на гэтым кепскія навіны аб стане рэгіянальнай эканомікі не скончыліся.

Вытворчасць прамысловай прадукцыі на Віцебшчыне ў студзені - жніўні 2022 года ўпала на 6,3% у параўнанні з тым жа перыядам у 2021 годзе. Адпаведна: валавы рэгіянальны прадукт паменшыўся на 2,7%, спажывецкія кошты падскочылі на 15,5%, падатковыя паступленні дадалі 12,8%. Пра гэта паведамляе Галоўнае статыстычнае ўпраўленне Віцебскай вобласці.