Абласны суд пакінуў у сіле пакаранне для журналісткі Алены Шабуні – штраф памерам 2 800 рублёў
Такое пакаранне прысудзіла Алене Шабуні суддзя Першамайскага райсуду Алена Жук. Журналістка абскардзіла гэты вырак, але суддзя Віцебскага абласнога суду Святлана Іванова пакінула рашэнне суду першай інстанцыі без зменаў, а скаргу – без задавальнення. Праўда, яна ўвярнула ўвагу на памылкі, якія дамусціла яе калега з раённага суду: Алена Жук чамусьці вырашыла, што бел-чырвона-белы сцяг – гэта экстрэмісцкая сімволіка. Святлана Іванова ахарактарызавала нацыянальны сімвал іначай - «сцяг у пэўнай колеравай гаме, якая асацыюецца з забароненай сімволікай».
За пікетаванне выканкама ўлады арыштавалі палітвязня
Суддзя суда Міёрскага раёна Ірына Яскевіч 10 красавіка за парушэнне парадку арганізацыі і правядзення пікету арыштавала на 15 сутак былога палітвязня мясцовага жыхара Сяргея Васільева. Раней арыштаваны быў судзімы па арт. 367 КК (Паклёп у дачыненні да прэзідэнта Рэспублікі Беларусь) і быў пакараны абмежаваннем волі з накіраваннем у папраўчую ўстанову адкрытага тыпу на 3 гады.
За несанкцыянаваны ўладамі пікет суд наклаў на рабочага вялізны штраф
Суддзя суда Браслаўскага раёна Аляксандр Вязіцкі 28 сакавіка за не дазволены ўладамі пікету ў сацыяльнай сетцы аштрафаваў на 4000 рублёў кіроўцу пагрузчыка Мікалая Кашкуру.
За «нацызм» і нявырашаны пікет у сацыяльных сетках улады буйна аштрафавалі жыхарку Віцебску
Суддзя суда Чыгуначнага раёна суддзя Віцебска Дар'я Шайкова 28 лютага за і дэманстрацыю нацысцкай сімволікі і правядзенне недазволенага ўладамі масавага мерапрыемства ў сацыяльных медыя аштрафавала на 2600 рублёў віцебскую прарасійскую актывістку маці трох непаўналетніх дзяцей Эльвіру Мірсалімаву.
Пастара евангельскай царквы Аляксандра Зарэцкага асудзілі за словы «Давайце маліцца за Украіну»
Сталі вядомыя падрабязнасці абвінавачванняў, высуных супраць пастара Аляксандра Зарэцкага з Навалукомля. 5 сакавіка суддзя Чашніцкага райсуда Ала Смірнова пакарала яго арыштам на 15 сутак за «несанкцыянаванае пікетаванне». Пікетам суд палічыў пропаведзь пастара падчас аднаго з богаслужэнняў, на якой, верагодна, прысутнічалі аператыўнікі. Фразы «помолимся за тех, кто в тюрьмах по сфальсифицированным причинам», «давайце маліцца за Украіну» і іншыя былі расцэнены як выразы, якія «адлюстроўваюць грамадска-палітычныя інтарэсы».
Аляксандр Зарэцкі, пастар з Навалукомля, не выйшаў на волю: яму прысудзілі другі арышт запар
Пастара евангельскай царквы Аляксандра Зарэцкага затрымалі 22 лютага, і першы арышт на 15 сутак яму быў прысуджаны суддзёй суда Чашніцкага раёну Ірынай Кручынінай за распаўсюд так званых «экстрэмісцкіх матэрыялаў». А ўжо 5 сакавіка суддзя Ала Смірнова пакарала яго арыштам на 15 сутак за «несанкцыянаванае пікетаванне». Пікетам улады палічылі пропаведзь пастара падчас аднаго з богаслужэнняў.
Прыхільніца «русского мира» Эльвіра Мірсалімава: «Даведалася, у якіх умовах сядзяць «палітычныя»
У лютым 2024г. Мірсалімаву двойчы судзілі па адміністрацыйных справах. Першы раз - 15 лютага - суд прызначыў ёй штраф за парушэнне правядзення масавых мерапрыемстваў. Яе прызналі вінаватай за «пікетаванне ў інтэрнэце» за размяшчэнне ў сацсетках фотаздымкаў з расейскай дзяржаўнай і іншай сімволікай. Суд адбыўся праз 8 дзён пасля таго, як яе затрымалі і склалі пратакол паводле арт. 24.23 КаАП. Якраз тады ёй давялося адну ноч правесці ў ІЧУ, прычым у адной камеры з нацыянальна свядомымі актывісткамі. Пасля гэтага яна падзялілася «ВКонтакте» сваімі ўражаннямі. Пасля другога суду, падобна, у ізалятары часовага ўтрымання ёй давядзецца правесці больш працяглы тэрмін.
За несанкцыянаваны пікет у сацсетцы ўлады арыштавалі жыхара Наваполацка
Суддзя суда Наваполацка Зінаіда Балаболава 15 лютага за правядзенне не дазволенага ўладамі масавага мерапрыемства ў сацыяльнай сетцы арыштавала на 7 сутак Міксіма Вуська.
Віцебскі відэаблогер Віталь Усціновіч сам стаў героем відэароліка. Яго размясцілі ў Тэлеграм-канале, блізкім да сілавікоў
Паводле відэа і тэкставага паведамлення ў Тэлеграм-канале «Северная столица», Віталя Усціновіча затрымалі за даўнія відэаролікі, якія знайшліся на ягоным відэаканале на Youtube. Два гады таму ён здымаў гумарыстычныя сцэнкі з пераўвасабленнем у «деда Шоушенко», які мае вусы, размаўляе на трасянцы і ўвесь час даказвае сваім апанентам, што лепш за іх разбіраецца ў палітыцы і эканоміцы. Таксама ён выпускаў сатырычны цыкл «Ябацькіны новасти», дзе аналізаваў палітычныя падзеі ў Беларусі. Аднак пасля затрымання, ператрусу і канфіскацыі аргтэхнікі ў сакавіку 2022г. блогер публічна заявіў, што больш не будзе закранаць у сваіх роліках падзеі ў краіне і цалкам пераключаецца на відэааповеды пра рыбалку, падарожжы і дэгустацыю розных прадуктаў. Падобна, нешта пайшло не так...
Таццяну Севярынец аштрафавалі на 5.400 рублёў
Суддзя Першамайскага райсуда Віцебска Міхаіл Юрчанка асудзіў маці вядомага палітыка і пісьменніка Паўла Севярынца па двух адміністрацыйных артыкулах: ч.2 арт.19.11 (распаўсюд "экстрэмісцкіх" матэрыялаў" і ч.1 арт. 24.23 (несанкцыянаванае пікетаванне). Абодва пратаколы пра правапарушэнні складзены паводле вывучэння старонак спадарыні Таццяны ў сацыяльных сетках.