Ігар Банцар па рашэнні суда Ленінскага раёна Гродна заплаціць 81 рубель 66 капеек папраўчай установе адкрытага тыпу № 9 Віцебска і 64 рублі дзяржпошліны. Ігар настойваў, што яму няма за што плаціць. У спецінтэрнаце ВУАТ ён не знаходзіўся - яго рэгулярна адпраўлялі ў штрафны ізалятар. Але суддзя Вольга Шуманская прыняла рашэнне не на карысць былога палітвязня. 

17 снежня з папраўчай установы адкрытага тыпу (ПУАТ) №9 выйшаў на свабоду гарадзенскі музыка і актывіст Ігар Банцэр. Апошнія дні перад вызваленнем ён правёў у штрафным ізалятары ў Гарадку. Знаходзячыся ў зняволенні, Банцэр некалькі разоў абвяшчаў галадоўкі. «На жаль, не магу сфармуляваць гэта такім чынам, што я зараз на волі», – сказаў па вызваленні Ігар Банцэр.

Суд Чыгуначнага раёну Віцебску 24 лістапада адмовіў кіраўніцтву папраўчай установы адкрытага тыпу (ПУАТ) №9 накіроўваць палітвязня Ігара Банцэра у калонію за нібыта шматлікія парушэнні рэжыму ўтрымання. Колькі дзён з тэрміну засталося адседзець палітвязню, стане вядома пазней, пасля пераліку, паведамляе belraz.eu. 

Гарадзенскага музыку і палітвязня Ігара Банцэра выпусцілі пасля 20 дзён у ШІЗА. Цяпер ён знаходзіцца на «хіміі» у Віцебску. У сераду 24 лістапада мае адбыцца суд, які канчаткова вызначыць, ці будзе пакаранне замененае на больш жорсткае і ці адправяць музыку ў калонію, паведамляе belraz.eu.

Рок-музыку з Горадні Ігара Банцэра вярнулі з віцебскага СІЗА на віцебскую «хімію» 29 кастрычніка і збіраліся 1 лістапада пакараць карцарам. Ягонага выхаду на волю чакалі на пачатку лістапада, але цяпер незразумела, што з ім будзе далей і калі яго вызваляць, піша Радыё Свабода.

Палітвязень Ігар Банцэр, якога 29 верасня суд Чыгуначнага раёну Віцебску асудзіў да 1 месяц і 25 дзён калоніі за парушэнне турэмных правілаў, вярнуўся ў віцебскую папраўчую ўстанову адкрытага тыпу. Падобны разварот адбыўся праз неправільнае прымяненне дзейнага заканадаўства з боку суддзі.

Суд Чыгуначнага раёну Віцебску 29 верасня прыняў рашэнне змяніць меру пакарання для рок-музыкі Ігара Банцэра і адправіць яго на 1 месяц і 25 дзён у калонію агульнага рэжыму. Суд быў выязным і праходзіў у папраўчай установе адкрытага тыпу (ПУАТ) №9, дзе палітвязень адбываў пакаранне. Рашэнне прымаў суддзя Дзяніс Аляксеенка.

23 верасня суд Чыгуначнага раёну Віцебску павінен быў разгледзець заяву адміністрацыі папраўчай установы адкрытага тыпу №9 аб змене меры пакарання для палітвязня-музыкі Ігара Банцара. Яго вінавацяць у парушэнні правілаў адбывання пакарання на «хіміі». Суд не адбыўся.

Рок-музыку Ігара Банцэра выпусцілі са штрафнога ізалятара, дзе ён правёў апошнія 40 дзён. Гарадзенец расказаў, што за парушэнні яго збіраюцца пераводзіць з «хіміі» ў калонію. Такога рашэння дамагаецца адміністрацыя папраўчай установы адкрытага тыпу №9 Віцебску, дзе адбывае пакаранне палітвязень. Банцэра вінавацяць у парушэнні правілаў адбывання пакарання на «хіміі». Рашэнне будзе прымаць суд Чыгуначнага раёну Віцебску 23 верасня.

5 верасня з ШІЗА віцебскай папраўчай установы адкрытага тыпу №9 пасля 30 сутак пакарання мусіў выйсці гарадзенскі панк-музыка Ігар Банцэр. Аднак, як стала вядома, музыка атрымаў чарговыя 10 сутак. Першапачаткова пасля ўзмацнення ціску з боку адміністрацыі Банцэр трапіў у штрафны ізалятар за адмову прыбіраць памяшканне.